ఫ‌న్‌రైడ‌ర్‌గా ‘ముగ్గురు మొనగాళ్లు’ ట్రైల‌ర్

ఎన్నో సినిమాల్లో కమెడియన్ గా తనదైన శైలిలో నవ్వించిన శ్రీనివాస్ రెడ్డి ప్రధాన పాత్రలో వస్తున్న సినిమా ముగ్గురు మొనగాళ్లు. శ్రీనివాస్ రెడ్డితో పాటు కన్నడ మూవీ దియా ఫేమ్ దీక్షిత్ శెట్టి అలానే.. వెన్నెల రామారావు కూడా ప్ర‌ధాన పాత్ర‌ల‌లో నటిస్తున్నారు. ఓ ఇంట్రెస్టింగ్ కాన్సెప్ట్‌తో రూపొందుతోన్నఈ చిత్రం నుండి ఇప్ప‌టికే విడుద‌లైన ఫ‌స్ట్‌లుక్‌పోస్ట‌ర్ కి మంచి రెస్పాన్స్ ను సొంతం చేసుకుంది.

ఇక నేడు ఈ సినిమా ట్రైల‌ర్‌ని విడుద‌ల‌చేసింది చిత్ర యూనిట్‌. 2.15నిమిషాల నిడివిగ‌ల ఈ ట్రైల‌ర్ ఆధ్యంతం న‌వ్వులు పూయించింది. శ్రీనివాసరెడ్డికి విన‌ప‌డ‌దు, దీక్షిత్‌ శెట్టి మాట్లాడలేడు, వెన్నెల రామారావుకు కనపడదు. ట్రైల‌ర్‌లో వీరు ముగ్గురు క‌లిసి చేసే అల్ల‌రి క‌డుపు చ‌క్క‌లయ్యేలా న‌వ్వించింది. ఇక అనుకోకుండా వ‌రుస హత్య‌ల‌కేసులో వీరు ముగ్గురు ఇరుక్కోవ‌డం త‌ర్వాత ఆ కేసుని వీళ్లు ఛేదించాల‌ని నిర్ణ‌యించుకోవ‌డం లాంటి అంశాలు థ్రిల్లింగ్‌గా ఉండ‌డంతో పాటు సినిమాపై ఇంట్రెస్ట్‌ని క్రియేట్ చేశాయి. శ్రీనివాస్ రెడ్డి చెవిటి వాడిగా, దీక్షిత్ శెట్టి మూగ వాడిగా, వెన్నెల రామారావు అంధుడిగా కనిపించి కామెడీ చేశారు. మొత్తానికి ఈ ట్రైల‌ర్‌తో సినిమాపై మంచి అంచ‌నాలు ఏర్ప‌డ్డాయి.

కాగా అభిలాష్‌ రెడ్డి దర్శకత్వంలో వస్తున్న ఈసినిమాను చిత్రమందిర్‌ స్టూడియోస్‌ పతాకంపై అచ్యుత్‌ రామారావు ‘ముగ్గురు మొనగాళ్లు’ సినిమాను నిర్మిస్తున్నారు. ఇప్పటికే ఈ మూవీ షూటింగ్‌ పూర్తయింది. ప్రస్తుతం పోస్ట్‌ ప్రొడక్షన్‌ కార్యక్రమాలు జరుగుతున్నాయి. త్వరలోనే విడుదల తేదీని ప్రకటించనున్నారు.

[subscribe]