‘గబ్బర్ సింగ్’ ఆడియో లాంచ్.. బ్రహ్మీ-అలీ కామెడీ

హరీష్ శంకర్ దర్శకత్వంలో పవన్ కళ్యాణ్ హీరోగా వచ్చిన గబ్బర్ సింగ్ ఎంత సంచలన విజయం దక్కిచుకుందో తెలుసు. బాలీవుడ్ బ్లాక్ బస్టర్ ‘దబంగ్’కి రీమేక్‌గా రూపొందిన ‘గబ్బర్ సింగ్’ ఇక్కడ కూడా బ్లాక్ బస్టర్ హిట్ కొట్టింది. పవర్‌ఫుల్ పోలీస్ ఆఫీసర్ ‘గబ్బర్ సింగ్’గా పవన్ నటించిన తీరు.. ఆయన అభిమానులతో పాటు సగటు ప్రేక్షకులను కూడా మురిపించింది.తెలుగు నేటివిటీకి అనుగుణంగా కొన్ని మార్పులు చేర్పులు చేసి పవర్ స్టార్ ఎనర్జీకి తగ్గట్టుగా ఈ చిత్రాన్ని ఆద్యంతం ఆసక్తికరంగా తీర్చిదిద్దాడు దర్శకుడు హరీష్ శంకర్.

ఇక ఇందులో పవన్‌కు జోడిగా శ్రుతి హాసన్ నటించింది. అంతేకాదు.. ఈ సినిమాతోనే శ్రుతి తన కెరీర్‌లో తొలి విజయాన్ని అందుకోవడం విశేషం. సుహాసిని, అజయ్, అభిమన్యు సింగ్, తనికెళ్ళ భరణి, అలీ, నాగినీడు, కోట శ్రీనివాసరావు, రావురమేష్, బ్రహ్మానందం, గాయత్రీ రావు, జయప్రకాష్ రెడ్డి, ప్రభాస్ శ్రీను, ధన్‌రాజ్, ప్రవీణ్, ‘సత్యం’ రాజేష్ ముఖ్య భూమికలు పోషించగా.. బాలీవుడ్ ఐటమ్ గ‌ర్ల్ మలైకా అరోరా ప్రత్యేక గీతంలో నర్తించింది. ఈ సినిమాకి టాలీవుడ్ రాక్ స్టార్ దేవిశ్రీప్రసాద్ సంగీతం అందించాడు.

అలాగే, ‘అంత్యాక్షరి’ ఎపిసోడ్ సినిమాకి అదనపు ఆకర్షణగా నిలిచింది. పరమేశ్వర ఆర్ట్ ప్రొడక్షన్స్ పతాకంపై బండ్ల గణేష్ నిర్మించిన ఈ చిత్రం.. ఉత్తమ నటుడు(పవన్ కళ్యాణ్), ఉత్తమ సంగీత దర్శకుడు(దేవిశ్రీ ప్రసాద్), ఉత్తమ గాయకుడు(వడ్డేపల్లి శ్రీనివాస్ – “పిల్లా నువ్వు లేని జీవితం”) విభాగాల్లో ‘ఫిల్మ్ ఫేర్’ అవార్డులను సొంతం చేసుకుంది.

[subscribe]