శ్రీ వెంకటేశ్వర క్రియేషన్స్ బ్యానర్ పై మోహన్ కృష్ణ ఇంద్రగంటి దర్శకత్వంలో నాని , సుధీర్ బాబు హీరోలుగా రూపొందిన యాక్షన్ థ్రిల్లర్ “V” మూవీ ఉగాది కి రిలీజ్ కావాల్సి ఉండగా కరోనా కారణంగా విడుదల వాయిదా పడింది. నివేద థామస్ , అదితి రావు హైదరి కథానాయికలు. సుధీర్ బాబు పోలీస్ ఆఫీసర్ గా నటిస్తున్న ఈ మూవీ లో హీరో నాని ఫస్ట్ టైమ్ నెగటివ్ క్యారెక్టర్ లో నటించడం విశేషం. అమిత్ త్రివేది సాంగ్స్ కంపోజ్ చేయగా , బ్యాక్ గ్రౌండ్ స్కోర్ ను థమన్ ఎస్ అందించారు.
కరోనా మహమ్మారి కారణంగా థియేటర్స్ మూతబడి దాదాపు 5 నెలలు కావస్తోంది. ఎప్పుడు థియేటర్స్ ఓపెన్ అవుతాయో తెలియని పరిస్థితులలో చాలా మంది నిర్మాతలు తమ మూవీస్ ను OTT ద్వారా రిలీజ్ చేస్తున్న విషయం తెలిసిందే. ఇప్పుడు “V” మూవీ అమెజాన్ ప్రైమ్ వీడియో లో సెప్టెంబర్ 5 వ తేదీ రిలీజ్ కానుందని శ్రీ వెంకటేశ్వర క్రియేషన్స్ సంస్థ ట్విట్టర్ ద్వారా తెలిపింది. హీరో నాని సిల్వర్ జూబ్లీ మూవీ గా రూపొందిన “V” మూవీ పై భారీ అంచనాలు నెలకొన్నాయి. హీరో నాని ప్రస్తుతం “టక్ జగదీష్ ” మూవీ లో నటిస్తున్న విషయం తెలిసిందే.
[subscribe]
