అల్లు అర్జున్- త్రివిక్రమ్ మూవీ షూటింగ్ అప్ డేట్

మాటల మాంత్రికుడు త్రివిక్రమ్ స్టైలిష్ స్టార్ అల్లు అర్జున్ కాంబినేషన్ లో సినిమా రూపొందుతున్నట్టు గత కొద్ది కాలంగా వార్తలు వస్తున్న సంగతి తెలిసిందే. గత ఏడాదే ఈ సినిమా గురించి వార్తలు వచ్చినా…ఈ ఏడాది ఈ సినిమా పట్టాలెక్కుతుందని చెప్పినా డేట్ మాత్రం ఇంత వరకూ ఫిక్స్ చేయలేదు.

అయితే ఇప్పుడు ఎప్పటినుండో అభిమానులు ఆసక్తిగా ఎదురుచూస్తున్న బన్నీ, త్రివిక్రమ్ మూవీ కు ముహూర్తం ఫిక్స్ చేశారు. ఈ రోజు బన్నీ పుట్టినరోజు సందర్భంగా ఈ సినిమా షూటింగ్ అప్ డేట్ ఇచ్చారు. ఏప్రిల్ 24వ తేదీ నుండి ఈ సినిమా రెగ్యూలర్ షూటింగ్ ను ప్రారంభించనున్నట్టు అధికారికంగా ప్రకటించారు. ఈ సినిమాలో పూజా హెగ్డే హీరోయిన్ గా నటిస్తుండగా.. థమన్ ఎస్ సంగీతం అందిస్తున్నాడు.

దీనితో పాటు బన్నీ నటించబోయే 21 సినిమా టైటిల్ ను కూడా ఈరోజే ప్రకటించారు. వేణు శ్రీరామ్ దర్శకత్వం వహిస్తున్న ఈసినిమాకు ‘ఐకాన్’ అనే టైటిల్ ను ఫిక్స్ చేశారు. దీంతో పాటు సుకుమార్ తో కూడా మరో సినిమా లైన్ లో ఉంది. మరి ల్యాంగ్ గ్యాప్ తీసుకున్న బన్నీ ఈ ఏడాది మాత్రం బాక్సాఫీస్ వద్ద బాగానే సందడి చేసేలా కనిపిస్తున్నాడు.

[subscribe]
[youtube_video videoid=XgzQI3w6y54]