నటసార్వభౌముడు మరియు మాజీ ముఖ్యమంత్రి నందమూరి తారకరామారావు జయంతి సందర్భంగా హైదరాబాద్లోని ఎన్టీఆర్ ఘాట్ వద్ద భావోద్వేగ వాతావరణం నెలకొంది. ఈ ప్రత్యేక సందర్భాన్ని పురస్కరించుకుని ప్రముఖ నటుడు జూనియర్ ఎన్టీఆర్ నేడు ఉదయాన్నే ఎన్టీఆర్ ఘాట్కు చేరుకుని తన తాతయ్యకు ఘనంగా నివాళులు అర్పించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
తెల్లవారుజామునే ఘాట్ వద్దకు చేరుకున్న తారక్.. సీనియర్ ఎన్టీఆర్ సమాధిపై పూలమాల వేసి అంజలి ఘటించారు. అనంతరం కొద్దిసేపు అక్కడే మౌనంగా నిలబడి, తాతయ్య జ్ఞాపకాలను స్మరించుకుంటూ భావోద్వేగానికి లోనయ్యారు. కిక్కిరిసిన అభిమానులు.. “అన్నా అన్నా” నినాదాలు: జూనియర్ ఎన్టీఆర్ వస్తున్నారనే విషయం తెలుసుకున్న అభిమానులు పెద్ద ఎత్తున ఎన్టీఆర్ ఘాట్ పరిసరాలకు చేరుకున్నారు. తారక్ను చూడగానే ఫ్యాన్స్ “అన్నా.. అన్నా” అంటూ భారీ నినాదాలు చేయడంతో ఆ ప్రాంతమంతా సందడిగా మారింది.
తనను చూడటానికి వచ్చిన అభిమానులందరికీ జూనియర్ ఎన్టీఆర్ చేతులు ఊపుతూ నమస్కరించి అభివాదం చేశారు. ఆ తర్వాత భారీ భద్రతా సిబ్బంది నడుమ అక్కడి నుండి బయలుదేరి వెళ్లారు. ఆనవాయితీని కొనసాగిస్తూ..జూనియర్ ఎన్టీఆర్ ప్రస్తుతం డ్రాగన్ షూటింగ్ లోబిజీ షె ఉన్నప్పటికీ.. ప్రతి ఏడాది తాతయ్య జయంతి, వర్ధంతి కార్యక్రమాలకు ఎన్టీఆర్ ఘాట్కు రావడం మాత్రం అస్సలు మిస్ అవ్వరు. తాతయ్యపై తనకున్న అపారమైన గౌరవాన్ని, ప్రేమాభిమానాలను చాటుకుంటూ ఆయన ఈ ఆనవాయితీని ఏళ్లుగా కొనసాగిస్తున్నారు. తారక్తో పాటు నందమూరి కుటుంబ సభ్యులు, సినీ ప్రముఖులు, తెలుగుదేశం పార్టీ నేతలు కూడా ఉదయాన్నే ఘాట్ వద్దకు చేరుకుని నివాళులు అర్పించారు. సినీ రంగంలోనూ, రాజకీయ రంగంలోనూ సమాజానికి ఎన్టీఆర్ చేసిన సేవలను ఈ సందర్భంగా పలువురు గుర్తుచేసుకున్నారు. మరోవైపు రెండు తెలుగు రాష్ట్రాల్లోని నందమూరి అభిమానులు అన్నదానాలు, రక్తదాన శిబిరాలు, సేవా కార్యక్రమాలు నిర్వహిస్తూ తమ ‘విశ్వవిఖ్యాత నటసార్వభౌముడి’ జయంతి వేడుకలను ఘనంగా జరుపుకుంటున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
x
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
