తెలుగు సినిమా చరిత్రలో ‘మెగాస్టార్’ అనే పదం ఒక సునామీని సృష్టించింది. కోట్లాది మంది అభిమానుల హృదయాలను ఏలిన ఆ ప్రయాణం 47 సంవత్సరాల క్రితం, ఒక చిన్న పాత్రతో మొదలైంది. 1978, సెప్టెంబర్ 22న విడుదలైన ‘ప్రాణం ఖరీదు’ చిత్రం చిరంజీవి అనే అసాధారణ నటుడిని తెలుగు ప్రేక్షకులకు పరిచయం చేసింది. ఆ రోజు భారతీయ సినిమాకు ఒక మెగా శకం ప్రారంభమైంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
47 ఏళ్ల ‘ప్రాణం ఖరీదు’.. మెగాస్టార్ సినీ ప్రస్థానానికి నాంది!**
‘ప్రాణం ఖరీదు’ సినిమా చిరంజీవి తొలి సినిమా కాకపోయినప్పటికీ, ఆయన నటించిన తొలి చిత్రం ‘పునాది రాళ్లు’ కంటే ముందే విడుదలైంది. అందుకే, ఈ సినిమాను చిరంజీవి తొలి సినిమాగా భావిస్తారు. ఈ చిత్రంలో ఆయన పోషించిన నరసింహ అనే చిన్న పాత్ర ప్రేక్షకులను ఎంతగానో ఆకట్టుకుంది. పది నిమిషాల నిడివి గల ఆ పాత్రలోనే చిరంజీవి తనలోని నైపుణ్యాన్ని, భావాలను పలికించి ఆకట్టుకున్నారు.
మొదటి సినిమాతోనే ప్రముఖుల దృష్టిలో
ఈ సినిమాలో నటనతోనే చిరంజీవి సినీ ప్రముఖుల దృష్టిలో పడ్డారు. ముఖ్యంగా, ‘ఎన్నియల్లో ఎన్నియల్లో’ పాటలో ఆయన డ్యాన్స్, ‘పొగిలి పొగిలి ఏడ్చినా’ పాటలో ఆయన చూపించిన ఎమోషన్ ప్రేక్షకులకు దగ్గరయ్యాయి. ఆ తర్వాతే దర్శకులు, నిర్మాతలు ఆయనలో ఉన్న ప్రతిభను గుర్తించి, వరుసగా అవకాశాలు ఇచ్చారు.
మెగాస్టార్ ఎమోషనల్ పోస్ట్..
ఈ సందర్భంగా మెగాస్టార్ చిరంజీవి తన సినీ జీవితానికి ఈ రోజు ఎంత ముఖ్యమో మరోసారి తెలుపుతూ సోషల్ మీడియా వేదికగా ఒక భావోద్వేగ పోస్ట్ పంచుకున్నారు.. ‘కొణిదెల శివ శంకర వరప్రసాద్’ అనబడే నేను “ప్రాణం ఖరీదు” చిత్రం ద్వారా ‘చిరంజీవిగా’ మీకు పరిచయం అయ్యి నేటితో 47 ఏళ్లు దిగ్విజయంగా పూర్తయ్యాయి. ఈ చిత్రం ద్వారా నాకు నటుడిగా ప్రాణం పోసి.., మీ అన్నయ్యగా, కొడుకుగా, మీ కుటుంబ సభ్యుడిగా , ఒక మెగాస్టార్ గా.. అనుక్షణం నన్ను ఆదరించి, అభిమానించిన తెలుగు సినిమా ప్రేక్షకులకు నేను ఎల్లప్పుడూ కృతజ్ఞుడనై ఉంటాను” అని పేర్కొన్నారు.
కాగా, ప్రాణం ఖరీదు ఒక పీరియాడిక్ డ్రామాగా, గ్రామీణ నేపథ్య కథాంశంతో, అప్పటి సమాజంలో పేద ధనిక వర్గాల మధ్య ఉన్న వ్యత్యాసాన్ని చూపించే ఒక బోల్డ్ కథాంశంతో తెరకెక్కింది. ఈ సినిమా చిరంజీవి లాంటి ఎందరో ప్రతిభావంతులకు ఒక వేదికగా నిలిచి, వారి కెరీర్కు నాంది పలికింది. 47 సంవత్సరాల తర్వాత కూడా ఈ సినిమా గురించి మాట్లాడుకుంటున్నామంటే, దాని ప్రభావం ఎంతటిదో అర్థం చేసుకోవచ్చు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
