ట్యాలెంటెడ్ డైరెక్టర్, ‘సినిమా బండి’ ఫేమ్ ప్రవీణ్ కాండ్రేగుల మరోసారి తన ప్రతిభతో అందరి దృష్టిని ఆకర్శించనున్నారు. ఆయన రూపొందిస్తున్న తాజా చిత్రం ‘పరదా’. సోషల్ డ్రామాగా తెరకెక్కుతోన్న ఈ ద్విభాషా సినిమా తెలుగు, మలయాళ భాషల్లో విడుదలవుతుంది. మెగాస్టార్ జన్మదినం సందర్భంగా మేకర్స్ ఆగస్ట్ 22న థియేటర్స్లో రిలీజ్ చేస్తున్నారు. ఇప్పటికే విడుదలైన ఈ సినిమా పోస్టర్స్, టీజర్, ట్రైలర్, పాటలు మంచి బజ్ క్రియేట్ చేశాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
దీంతో సినిమాపై మంచి అంచనాలు నెలకొన్నాయి. ఈ నేపథ్యంలో పరదా మూవీ స్పెషల్ ప్రీమియర్లు ఏర్పాటుచేస్తున్నారు మేకర్స్. ఈ సినిమా ప్రత్యేక ప్రీమియర్ షోలు రేపు ఏఎంబీ సినిమాస్ మరియు ఏఎఏ సినిమాస్లో ప్రదర్శించనున్నారు. దీనికి సంబంధించి ఇప్పటికే అడ్వాన్స్డ్ బుకింగ్లు ప్రారంభమయ్యాయి. ఏ మేరకు చిత్ర దర్శకుడు ప్రవీణ్ సోషల్ మీడియా వేదికగా తెలిపారు.
ఇక పరదా ప్రీమియర్ షోల కోసం ప్రేక్షకులలో భారీ అంచనాలు నెలకొన్నాయి. హైదరాబాద్ లోని ప్రముఖ మల్టీప్లెక్స్లలో ప్రదర్శితమయ్యే ఈ షోలు సినిమాకు తొలి స్పందనను అందించనున్నాయి. కాగా ఈ సినిమా స్త్రీ శక్తిని, సాధికారతను, సామాజిక సందేశాన్ని అందంగా మరియు శక్తివంతంగా ప్రేక్షకులకు అందించనుందని ఈ సందర్భంగా చిత్ర యూనిట్ పేర్కొంది.
కాగా పరదా సినిమాలో అనుపమ పరమేశ్వరన్, దర్శన రాజేంద్రన్, సంగీత కృష్ణ మరియు రాగ్ మయూర్ వంటి ప్రతిభావంతులైన నటీనటులు కీలక పాత్రలు పోషిస్తున్నారు. ఈ కథను ప్రహాస్ బొప్పూడి, పూజిత శ్రీకాంత్ మరియు ప్రవీణ్ కాండ్రేగుల సంయుక్తంగా రచించారు. ఈ చిత్రం యువత ఎదుర్కొనే సామాజిక సమస్యలను, మనసును కదిలించే భావోద్వేగాలను పక్కా వాస్తవికంగా చూపించబోతున్నట్లు తెలుస్తోంది.
స్టార్ హీరో దుల్కర్ సల్మాన్ హోం బ్యానర్ ‘వేఫేరర్ ఫిల్మ్స్’ ఈ మూవీ మలయాళ పంపిణీ హక్కులను సొంతం చేసుకోవడం గమనార్హం. దీంతో ఈ సినిమాపై ఇటు తెలుగులోనే కాకుండా అటు మలయాళంలోనూ భారీ అంచనాలే నెలకొన్నాయి. ఆనంద మీడియా బ్యానర్పై శ్రీనివాసులు పివి, శ్రీధర్ మక్కువతో కలిసి విజయ్ డొంకడ ఈ చిత్రాన్ని నిర్మిస్తుండగా.. ‘ది ఫ్యామిలీ మ్యాన్’ సిరీస్ మేకర్స్ రాజ్, డికె మద్దతు ఇస్తున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
