దేశవ్యాప్తంగా ప్రస్తుతం కల్కి మేనియా నడుస్తోంది. పాన్ ఇండియా స్టార్ ప్రభాస్ ప్రధానపాత్రలో ‘మహానటి’ ఫేమ్ నాగ్ అశ్విన్ దర్శకత్వంలో తెరకెక్కిన కల్కి 2898 AD భారీ అంచనాల నడుమ గురువారం ప్రపంచవ్యాప్తంగా విడుదలైన విషయం తెలిసిందే. అంచనాలకు తగ్గట్లే బాక్సాఫీస్ వద్ద సంచలనాలు సృష్టిస్తోంది. ప్రభాస్ నటనకు తోడు కీలక పాత్రల్లో కనిపించిన బిగ్ బి, కమల్ హాసన్, దీపికా పదుకొణె స్క్రీన్ ప్రజెన్స్ చిత్రానికి ప్లస్ అయింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక సినిమాలో విజువల్స్ అయితే హాలీవుడ్ సినిమాల స్థాయిలో ఉన్నాయని ప్రేక్షకులు కొనియాడుతున్నారు. ఈ నేపథ్యంలో ఫ్యూచరిస్టిక్ ఎపిక్ మైథలాజికల్ డ్రామాగా తెరకెక్కిన కల్కి తొలిరోజు వసూళ్ల సునామీనే సృష్టించింది. ఇండియాలోనే కాకుండా ఓవర్సీస్లో సైతం డాలర్ల వర్షం కురిపించింది. తద్వారా దేశవ్యాప్తంగా మొదటిరోజు ఎక్కువ కలెక్షన్స్ సాధించిన మూడో చిత్రంగా కల్కి రికార్డ్ నెలకొల్పింది.
అయితే ఇక్కడ విశేషమేమంటే..? ఇప్పటివరకు భారతీయ చిత్ర పరిశ్రమలో తొలిరోజు అత్యధిక వసూళ్లు సాధించిన టాప్ 10 సినిమాలలో ప్రభాస్ నటించిన చిత్రాలు ఏకంగా నాలుగు ఉండటం. అలాగే మొత్తం 7 సినిమాలు దక్షిణాది భాషలకు చెందినవి కాగా, వీటిలో 5 తెలుగు సినిమాలే కావడం గమనార్హం. ఇక భారతీయ చిత్ర పరిశ్రమలో ఫస్ట్ డే అత్యధిక వసూళ్లు సాధించిన టాప్ 10 సినిమాలు ఏంటో ఒకసారి చూద్దామా..!
- ఆర్ఆర్ఆర్ – 223 కోట్లు
- బాహుబలి 2 – 210+ కోట్లు
- కల్కి 2898 AD – 191.5 కోట్లు
- సలార్ 1 – 178.7 కోట్లు
- కేజీఎఫ్ 2 -160+ కోట్లు
- లియో – 148.5 కోట్లు
- ఆదిపురుష్ – 140 కోట్లు
- సాహో – 130 కోట్లు
- జవాన్ – 129.6 కోట్లు
- యానిమల్ – 116 కోట్లు
కాగా కల్కి చిత్రాన్ని వైజయంతీ మూవీస్ బ్యానర్పై స్టార్ ప్రొడ్యూసర్ అశ్వనీదత్ భారీ బడ్జెట్తో అత్యంత ప్రతిష్టాత్మకంగా నిర్మించారు. బాలీవుడ్ స్టార్ హీరోయిన్ దీపికా పదుకొణే హీరోయిన్గా నటించగా.. ఇండియన్ లెజెండరీ యాక్టర్స్ అమితాబ్ బచ్చన్ మరియు కమల్ హాసన్ కీలక పాత్రల్లో కనిపించారు. అలాగే దిశాపటానీ, మాళవిక నాయర్, బెంగాలీ నటుడు స్వాస్థ్ ఛటర్జీ, రాజేంద్రప్రసాద్, పశుపతి తదితరులు ముఖ్య పాత్రలు పోషించారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
