నేచురల్ స్టార్ నాని నిర్మాణంలో తెరకెక్కిన తాజా చిత్రం ‘కోర్ట్ : ది స్టేట్ వర్సెస్ ఎ నోబడీ’. ప్రమోషనల్ కంటెంట్‌తో మార్కెట్‌లో మంచి బజ్ క్రియేట్ చేసుకున్న ఈ సినిమా మార్చి 14న థియేటర్లలోకి వచ్చింది. ముందురోజే స్పెషల్ ప్రీమియర్స్‌తో పాజిటివ్ టాక్ తెచ్చుకున్న ఈ మూవీ విడుదలయ్యాక యూనానిమస్ పాజిటివ్ రివ్యూస్‌తో పాటు సూపర్ మౌత్ టాక్‌ను సొంతం చేసుకుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఈ నేపథ్యంలో మొదటి రోజు సెన్సేషనల్ ఓపెనింగ్స్‌ను రాబట్టుకుంది. తొలిరోజు హోలీ పండుగ కారణంగా హాలిడే కావడం, అలాగే బాక్సాఫీస్ వద్ద మరో సినిమాతో పోటీ లేకపోవడంతో కోర్ట్ సాలిడ్ వసూళ్లను సాధించింది. మొత్తం ప్రీమియర్స్‌తో కలుపుకొని తొలిరోజు 8.10 కోట్లకు పైగా గ్రాస్ అందుకుని టాక్ ఆఫ్ ది ఇండస్ట్రీగా నిలిచింది. ఇదే ఊపును కొనసాగిస్తూ 3రోజుల్లో మొత్తం 24.4 కోట్లకు పైగా గ్రాస్ అందుకుంది.
కాగా ఈ చిత్రం కోసం నాని దాదాపు 9కోట్ల వరకు ఖర్చు పెట్టాడు. ఇదంతా నాన్ థియేట్రికల్ రూపంలో రికవరీ అయ్యింది. ఇప్పుడు ఈ వసూళ్లతో థియేట్రికల్ రన్ ద్వారా నిర్మాతలకు భారీ లాభాలు రానున్నట్టు స్పష్టమవుతోంది. సినిమా రిలీజ్‌కు ముందు నాని ప్రమోషన్స్ గట్టిగా చేయడం కూడా సినిమా విజయానికి కారణమైంది. ‘కోర్ట్’ నచ్చకుంటే మరికొన్నిరోజుల్లో రాబోయే తాను హీరోగా చేస్తున్న ‘హిట్ 3’ చూడకండి అని స్టేజ్ మీదే చెప్పేయడంతో మూవీపై ఒక్కసారిగా అంచనాలు పెరిగిపోయాయి. ఇవన్నీ ఇప్పుడు కలెక్షన్ల రూపంలో కనిపిస్తున్నాయి.
‘వాల్ పోస్టర్ సినిమా’ బ్యానర్‌లో నాలుగో సినిమాగా రూపొందిన కోర్ట్ పోక్సో యాక్ట్ నేపథ్యంలో తెరకెక్కింది. ఈ కోర్ట్ రూమ్ డ్రామాకి రామ్ జగదీశ్ దర్శకత్వం వహించాడు. ఇక ఈ చిత్రంలో ప్రియదర్శి ప్రధాన పాత్రలో నటించగా.. హర్ష్ రోషన్, శ్రీదేవి, శివాజీ, సాయి కుమార్, రోహిణి, హర్షవర్ధన్, శుభలేఖ సుధాకర్, రాజశేఖర్ అనింగి, సురభి ప్రభావతి, విశిక, వడ్లమాని శ్రీనివాస్ తదితరులు కీలక పాత్రలు పోషించారు. ఇక ఈ సినిమాను ప్రశాంతి తిపిర్నేని ఉన్నత విలువలతో నిర్మించగా.. దీప్తి గంటా సహ నిర్మాతగా వ్యవహరించారు.
ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
