లైలా.. విశ్వక్ రాకతో ప్రాజెక్ట్ నెక్స్ట్ లెవల్‌కి వెళ్ళింది

మాస్ కా దాస్ విశ్వక్సేన్ యూనిక్ రొమాంటిక్ యాక్షన్ ఎంటర్టైనర్ ‘లైలా’ ఎక్సయిటింగ్ ప్రమోషనల్ కంటెంట్‌తో స్ట్రాంగ్ బజ్ క్రియేట్ చేస్తోంది. ఈ చిత్రానికి రామ్ నారాయణ్ దర్శకత్వం వహించారు. షైన్ స్క్రీన్స్ బ్యానర్‌పై సాహు గారపాటి నిర్మించారు. ఆకాంక్ష శర్మ హీరోయిన్ గా నటిస్తోంది. పాటలు చార్ట్ బస్టర్ హిట్ అయ్యాయి. లైలా ఫిబ్రవరి 14న బిగ్ స్క్రీన్స్ లో విడుదల కానుంది. ఈ సందర్భంగా డైరెక్టర్ రామ్ నారాయణ్ విలేకరుల సమావేశంలో సినిమా విశేషాల్ని పంచుకున్నారు.

లైలా ఐడియా ఎప్పుడు వచ్చింది ? ప్రాజెక్ట్ ఎలా స్టార్ట్ అయ్యింది?

• బట్టల రామస్వామి బయోపిక్ సినిమా చేశాను. అది 2021లో రిలీజై మంచి హిట్ అయ్యింది.
• ఈ సినిమా తర్వాత ఓ యూనిక్ కథ చేయాలనుకున్నాను.
• హీరో లేడి గెటప్ వేయడం యూనిక్ కాన్సెప్ట్. ఈ మధ్య అలాంటి కథలు రాలేదు.
• క్యారెక్టరైజేషన్ కుదిరితే అద్భుతంగా వస్తుంది.
• బ్యూటీ పార్లర్‌లో పని చేసే మేల్ క్యారెక్టర్‌ని పెడితే లాజికల్‌గా జస్టిఫికేషన్ వస్తుందనే ఆలోచనతో కథ రాయడం మొదలుపెట్టాను.
• ఓల్డ్ సిటీ బ్యాక్‌డ్రాప్ నాకు చాలా ఇష్టం. ఆ బ్యాక్‌డ్రాప్‌లో సినిమా బాగా కుదిరింది.
• ఇది పెర్ఫెక్ట్ ఎంటర్‌టైనర్. హీరోని వెదకడం చాలా ఛాలెంజ్‌గా అనిపించింది.
• ఈ క్యారెక్టర్ చేయడానికి చాలా గట్స్ కావాలి. లాస్ట్ హోప్‌గా విశ్వక్ గారు ఓకే చేశారు.
• విశ్వక్ ఒప్పుకోవడం సాహు గారి గ్రేట్ నెస్. విశ్వక్‌కి మాస్ ఇమేజ్ వుంది.
• కథ చెప్పినపుడు తను ఎలా తీసుకుంటారో అనే భయం వుండేది.
• విశ్వక్‌కి ఇలాంటి లేడీ గెటప్ చేయాలని కోరిక వుండేది.
• ఇంతకుముందు రెండు కథలు విన్నారట. ఈ కథ ఆయనకి బాగా కనెక్ట్ అయ్యింది.
• విశ్వక్ రావడంతో ప్రాజెక్ట్ నెక్స్ట్ లెవల్‌కి వెళ్ళింది.

ట్రైలర్ చూస్తే బోల్డ్ నెస్ ఎక్కువైయిందని అనిపిస్తోంది?

• ఇందులో వల్గారిటీ వుండదు. నాటీనెస్ వుంటుంది. ఈ కథకు ఆ నాటీనెస్ కావాలి.
• విజువల్‌గా సినిమా చాలా క్లీన్‌గా వుంటుంది. క్లాస్ మాస్ ఫ్యామిలీ ఆడియన్స్ అందరూ ఎంజాయ్ చేసేలా వుంటుంది.

విశ్వక్ కి లేడి గెటప్ కోసం ఎలాంటి వర్క్ చేశారు?

• లేడి గెటప్ అంటే మాకూ భయమే. అయితే రెమో సినిమాకి ప్రోస్తటిక్ చేసిన నిక్కీని సంప్రదించాం.
• విశ్వక్ లేడి గెటప్‌లో అదిరిపోతారని నిక్కీ చెప్పడంతో మాకు ఇంకా నమ్మకం వచ్చింది.
• మేము ముందు ఏఐ లో క్రియేట్ చేసి చూసుకున్నాం. తర్వాత లుక్ టెస్ట్ చేశాం.
• ఫస్ట్ లుక్ రిలీజ్ చేసినప్పుడు అవి విశ్వక్ కళ్ళు కాదని చాలామంది అనుకున్నారు.
• నిజానికి అవి ఆయన కళ్ళే. నా దగ్గర ఒరిజినల్ ఫొటోస్ కూడా వున్నాయి.

ఇందులో మదర్ ఎమోషన్ వుందని విన్నాం?

• అవును. సోనూ మోడల్‌కి ఆ పార్లర్ అంటే ఎందుకు అంత ఇష్టం అనేది చాలా ఎమోషనల్‌గా వుంటుంది.
• కామెడీ యాక్షన్ రొమాన్స్ ఎమోషన్ అన్నీ వుంటాయి.
• విశ్వక్ సినిమా నుంచి ఏం ఆశిస్తామో అందుకు పదిరెట్లు ఎక్కువగా వుంటుంది.

ఇందులో విశ్వక్ రెండు పాటలు రాశారు కదా?

• అవును. ఆయన లిరిక్స్ కూడా రాస్తారా అని నాకు తెలీదు. ట్యూన్ పంపిన తర్వాత తను ఓ పాట వినిపించారు.
• ఎవరు రాశారని అడిగాను. నేనే అని చెప్పారు. తను అప్పటికప్పుడే రాసేస్తాడు.
• లియోన్ జోన్స్ మంచి మ్యూజిక్ ఇచ్చాడు. తనకి విశ్వక్‌కి మంచి సింక్ వుంది. అది ఈ సినిమాకి ప్లస్ అయ్యింది.
• రిచర్డ్ ప్రసాద్ బ్యూటీఫుల్ విజవల్స్ ఇచ్చారు. ఆయన చాలా విజనరీ కెమెరామ్యాన్.

విశ్వక్ లో డైరెక్టర్ కూడా వున్నాడు కదా.. అది మీకు హెల్ప్ అయ్యిందా?

• ఖచ్చితంగా ప్లస్ అవుతుంది. ఒక నటుడికి అన్నీ తెలిసుంటే చాలా హెల్ప్ అవుతుంది.
• డైరెక్టర్ చాలా ఫ్రీ అయిపోతాడు. తన విజన్ నాకు చాలా ఇష్టం. చాలా మంచి పాజిటివ్‌గా ఈ జర్నీ జరిగింది.

కామాక్షి క్యారెక్టర్ గురించి?

• మేము ఇంకా ఆ క్యారెక్టర్ రివీల్ చేయలేదు. చాలా స్పెషల్ క్యారెక్టర్. సినిమా చూసి ‘వావ్’ అంటారు.
• అద్భుతంగా నటించారు. చాలా సపోర్ట్ చేశారు.

లైలా టైటిల్ గురించి?

• ఇందులో సోను మోడల్ లైలా.. ఈ రెండు క్యారెక్టర్స్‌పై కథ నడుస్తుంది.
• లైలా ఈ సినిమాకి యూఎస్పీ. లైలా వచ్చిన తర్వాత స్క్రీన్‌పై మ్యాజిక్ వుంటుంది.
• అందుకే సినిమాకి లైలా యాప్ట్ టైటిల్. లైలా గెటప్‌లో విశ్వక్ చూసి వారి ఫ్యామిలీ చాలా సర్‌ప్రైజ్ అయ్యారు.
• ఈ క్యారెక్టర్ కోసం చాలా కష్టపడ్డారు. ఆయన కష్టానికి తగిన ఫలితం వస్తుంది.
• ఇందులో కామాక్షి, ఆకాంక్ష, అభిమన్యు సింగ్ క్యారెక్టర్స్ కూడా చాలా కీలకంగా ఉంటాయి.
• ఇందులో అభిమన్యు సింగ్ కామెడీని చాలా ఎంజాయ్ చేస్తారు.
• ఆకాంక్షది జిమ్ ట్రైనర్ క్యారెక్టర్. తను మంచి డ్యాన్సర్. వారి కెమిస్ట్రీ చాలా బ్యూటీఫుల్‌గా వుంటుంది.

నిర్మాత సాహు గారి గురించి?

• ఈ సినిమాకి సాహు గారు మెయిన్ పిల్లర్. ఆయన వలనే సినిమా ముందుకు వెళ్ళింది.
• కథ విన్నప్పుడు చాలా ఎంజాయ్ చేశారు. ఆయన ద్వారానే విశ్వక్ ప్రాజెక్ట్ లోకి వచ్చారు.
• విశ్వక్‌తో సినిమా చేయడం నాకు పెద్ద ఎచీవ్‌మెంట్.

నటనపై మీకు ఆసక్తి ఉందా?

• ప్రస్తుతానికి దర్శకత్వంపైనే నా దృష్టి వుంది. నిజానికి మ్యూజిక్ డైరెక్టర్ అవుదామని ఇండస్ట్రీకి వచ్చాను.
• బట్టల రామస్వామి సినిమాకి నేనే మ్యూజిక్ చేశాను. దిల్ దివాన, ఉందిలే మంచి కాలం సినిమాలకు మ్యూజిక్ చేశాను.
• అప్పుడే భాను మాస్టర్ పరిచయం. ఆయన లైలాకి బ్యూటీఫుల్‌గా కొరియోగ్రఫీ చేశారు.

మీ నెక్స్ట్ ప్రాజెక్ట్స్ గురించి?

ప్రస్తుతం నా ఫోకస్ లైలా రిలీజ్ పైనే వుంది.

ఆల్ ది బెస్ట్..

థాంక్ యూ.

ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇

తెలుగు          తమిళ్          కన్నడ          మలయాళం          డబ్ద్ ఫిలిమ్స్