తండేల్ లో చాలా గూస్‌బంప్స్ మూమెంట్స్ వుంటాయి

యువ సామ్రాట్ అక్కినేని నాగచైతన్య, సాయి పల్లవి హైలీ యాంటిసిపేటెడ్ మూవీ ‘తండేల్’. చందూ మొండేటి దర్శకత్వంలో మెగా ప్రొడ్యూసర్ అల్లు అరవింద్ సమర్పణలో గీతాఆర్ట్స్ బ్యానర్‌పై ఫ్యాషనేట్ ప్రొడ్యూసర్ బన్నీవాసు నిర్మించిన ఈ చిత్రం ఫిబ్రవరి 7న ప్రపంచ వ్యాప్తంగా భారీగా విడుదల కానుంది. ఇప్పటికే రిలీజైన ప్రమోషన్స్ కంటెంట్ హ్యూజ్ బజ్‌ని క్రియేట్ చేసింది. ఈ రోజు నిర్మాత బన్నీవాసు విలేకరుల సమావేశంలో ‘తండేల్’ విశేషాల్ని పంచుకున్నారు.

‘తండేల్’ ఎలా స్టార్ట్ అయ్యింది?

• నా క్లాస్ మేట్ భాను. తను కో ప్రొడ్యూసర్‌గా కూడా చేస్తాడు. రైటర్ కార్తిక్ దగ్గర ఈ కథ విని బావుందని నా దగ్గరికి తీసుకొచ్చాడు.
• కార్తిక్ చెప్పిన కథలో ఎసెన్స్ నాకు చాలా నచ్చింది. తనది కూడా మత్సలేశ్యం ఊరు పక్కనే. అక్కడ స్ఫూర్తి పొంది కథని రాసుకున్నాడు.
• పాయింట్ నాకు చాలా నచ్చింది. కార్తికేయ 2 తర్వాత చందు గారికి ఈ కథ వినమన్నాను. తనకీ చాలా నచ్చింది.
• అలా డెవలప్ చేసుకుంటూ వచ్చాం. చాలా రీసెర్చ్ చేశాం.
• ఈ కథ కోసం కొందరి కలిసినప్పుడు వారు చెప్పిన కొన్ని విషయాలు గూస్‌బంప్స్ తీసుకొచ్చాయి.
• ఈ విషయాలన్నీ చెప్పడానికి రాజు సత్య అనే ఫిక్షనల్ క్యారెక్టర్స్‌ని డైరెక్టర్ చందు డిజైన్ చేశారు.
• ఈ క్యారెక్టర్స్ ద్వారా జరిగిన కథ చెప్పాం. ఇది ప్యూర్ లవ్ స్టొరీ. రాజు సత్య ప్రేమ కథ చాలా కీలకం.
• ఆ లవ్ స్టొరీ ద్వారా ఒరిజినల్‌గా జరిగిన స్టొరీని చూపించుకుంటూ వచ్చాం.
• ఇది యాభై శాతం ఫిక్షన్. యాభై శాతం నాన్ ఫిక్షన్. డైరెక్టర్ గారి విజన్‌ని వందశాతం ఫాలో అయ్యాం.

తండేల్ టైటిల్ జస్టిఫీకేషన్ ఏమిటి?

• మత్సలేశ్యం అనే ఊరుని బేస్ చేసుకుని తీసుకున్న కథ ఇది. ఇక్కడి వారు గుజరాత్ పోర్ట్‌కి ఫిషింగ్‌కి వెళ్తారు.
• అక్కడ బొట్లు వున్న వారికి బిరుదులు వుంటాయి. మెయిన్ లీడర్‌ని తండేల్ అంటారు. ఇది గుజరాతీ వర్డ్.

తండేల్ అవుట్ పుట్ చూసి నాగార్జున గారి రెస్పాన్స్ ఏమిటి?

• రీసెంట్‌గా ఆయన్ని నేను కలవలేదు. అయితే కంటెంట్ ఆయనకి బాగా నచ్చిందని చైతన్య గారు చెప్పారు.

చైతు గారికి ఈ కథ ఎప్పుడు చెప్పారు?

• నాలుగేళ్ల క్రితం ఓ ఇన్విటేషన్ ఇవ్వడానికి వెళ్లాను. ఈ మధ్య విన్న మంచి కథ ఏమిటని అడిగారు.
• అప్పుడు ఈ కథ గురించి చెప్పాను. ఆయనకి పాయింట్ చాలా నచ్చింది. భలే వుంది మనం చేస్తున్నామని అన్నారు.
• అయితే ఇందులో ఫిషర్ మ్యాన్ క్యారెక్టర్, సముద్రంలోకి వెళ్లిన తర్వాత నెలల పాటు స్నానం వుండదు.
• అంతా ఒరిజినల్‌లా షూట్ చేయాలని అనుకుంటున్నాం.. యాస కూడా వుంటుందని చెప్పాను.
• ‘నేను వర్క్ చేస్తా’నని చెప్పారు. ఆయన ఈ పాత్ర కోసం మౌల్డ్ అయిన విధానం అద్భుతం.
• ఆడియన్స్ అందరికీ ఫెబ్రవరి 7న చైతు గారు సర్‌ప్రైజ్ ఇస్తారు. చివరి అరగంట కుమ్మేశారు.
• సాయి పల్లవి సినిమా చూసి ‘నేను మామూలుగా చేసుకుంటూ వెళ్లాను. చైతు గారు నాకు గట్టి కాంపిటేషన్ ఇస్తున్నారు’ అని చెప్పి తనకి మ్యాచ్ అయ్యేలా పెర్ఫార్మెన్స్ ఇచ్చారు.
• శివుని పాటలో సాయి పల్లవి చైతు డ్యాన్స్ థియేటర్స్‌లో పూనకం తెప్పిస్తుంది.

దేవిశ్రీ మ్యూజిక్ గురించి?

• ఇది రూటెడ్ స్టొరీ. నేచురల్‌గా షూట్ చేశాం.
• అంత నేచురల్‌గా మ్యూజిక్ కూడా వుంటుంది.
• ఇప్పటికే పాటలు బ్లాక్ బస్టర్ అయ్యాయి.

ఇందులో సిజీ వర్క్ ఉందా?

• ఇందులో తుపాన్ ఎపిసోడ్ తప్పితే మిగతా సీన్స్ అన్నీ ఒరిజినల్ సముద్రంలోనే షూట్ చేశాం.
• ప్రతి షాట్ ఒరిజినల్ గా వుంటుంది. షామ్ దత్ అద్భుతమైన విజువల్స్ ఇచ్చారు.
• ఈ సినిమాని కేరళ, మంగళూరు, గోవా, వైజాగ్.. ఇలా నెంబర్ అఫ్ లోకేషన్స్‌లో షూట్ చేశాం.
• ఈ సినిమాకి చేసినంత అవుట్ డోర్, ఏ సినిమాకి చేయలేదు. ఆర్ట్ వర్క్ కూడా అద్భుతంగా వుంటుంది.
• ఈ కథ చెప్పే విధానం నేచురల్‌గా వుండాలి. ప్రతి ఫేస్ కొత్తగా ఫ్రెష్‌గా వుండాలి.
• అందుకే చాలా వరకూ కొత్త ఫేసెస్‌ని తీసుకున్నాం.

ట్రైలర్‌లో దాదాపుగా కథ చెప్పిన భావన కలిగింది?

• ట్రైలర్‌లో చూసింది తక్కువే. అందరికి తెలియనిది సినిమాలో చాలా వుంది.
• జైల్లో ఎలాంటి ఇన్సిడెంట్స్ ఎదుర్కొన్నారో ఎవరికీ తెలీదు. సినిమాలో చాలా ఇంట్రస్టింగ్ కంటెంట్ వుంది.

డైరెక్టర్ చందు గారి గురించి?

• ‘ప్రేమమ్’ లాంటి కల్ట్ సినిమా రీమేక్ చేయడానికి చాలా ధైర్యం కావాలి.
• ఆ సినిమాని ఆయన ప్రజెంట్ చేసిన తీరుకి సర్‌ప్రైజ్ అయ్యాను. తనలో సమ్‌థింగ్ వుందనిపించింది.
• ‘సవ్యసాచి’ తర్వాత ఆయనకి, నాకు సింక్ కుదిరింది.
• లక్కీగా ‘కార్తికేయ 2’ తర్వాత ఈ కథ దొరకడం, ఆయనకి నచ్చడంతో ప్రాజెక్ట్ మౌల్డ్ అయ్యింది.

మీ కంటే అరవింద్ గారు ఎక్కుగా ప్రమోషన్స్‌లో కనిపిస్తున్నారు?

• సినిమా మూడు భాషల్లో రిలీజ్ అవుతుంది. మెయిన్ తెలుగు. హిందీ తమిళ్ డబ్బింగ్.
• పోస్ట్ ప్రొడక్షన్‌లో నేను బిజీగా వున్నాను. చెన్నై ఈవెంట్‌కి అందుకోలేకపోయాను.
• అరవింద్ గారు సినిమాని చాలా ఎంజాయ్ చేస్తున్నారు. సినిమా చూశారు. చాలా కాన్ఫిడెంట్‌గా వున్నారు.
• మాకు ఇంత లైఫ్ ఇచ్చిన ఆయన ఇంత ఎంజాయ్ చేస్తుంటే మాకూ ముచ్చటగా వుంది.

ఆల్ ది బెస్ట్..

థాంక్ యూ.

ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇

తెలుగు          తమిళ్          కన్నడ          మలయాళం          డబ్ద్ ఫిలిమ్స్