గ్లోబల్ స్టార్ రామ్ చరణ్, సెన్సేషనల్ డైరెక్టర్ శంకర్ కాంబినేషన్లో రూపొందుతోన్న భారీ బడ్జెట్ చిత్రం ‘గేమ్ ఛేంజర్’. శ్రీమతి అనిత సమర్పణలో శ్రీవెంకటేశ్వర క్రియేషన్స్, జీ స్టూడియోస్, దిల్రాజు ప్రొడక్షన్స్ బ్యానర్స్పై దిల్ రాజు, శిరీష్ నిర్మిస్తోన్న ఈ సినిమాలో కియారా అద్వాని హీరోయిన్. వచ్చే సంక్రాంతి కానుకగా జనవరి 10న పాన్ ఇండియా లెవెల్లో గ్రాండ్గా విడుదలవుతోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఈ చిత్రం విడుదలకు సరిగ్గా ఒక నెల రోజులు మాత్రమే సమయం ఉంది. దీంతో గేమ్ ఛేంజర్ రిలీజ్కి కౌంట్డౌన్ స్టార్ట్ అయింది. ఈ నేపథ్యంలో మేకర్స్ తాజాగా 30 డేస్ కౌంట్డౌన్ పోస్టర్ రిలీజ్ చేశారు. చూడబోతుంటే, ఇదేదో యాక్షన్ సన్నివేశంలోనిదిలా అనిపిస్తోంది. బైక్ పైన రామ్ చరణ్ దూసుకొస్తున్న ఈ పవర్ ఫుల్ పోస్టర్ అదిరిపోయింది. చరణ్ చాలా ఇంటెన్స్ లుక్తో కనిపిస్తున్నాడు.
ఇక ఇప్పటికే ఈ సినిమా నుంచి రిలీజ్ చేసిన ప్రతి ప్రమోషనల్ కంటెంట్ హ్యూజ్ రెస్పాన్స్ అందుకుంది. అలాగే ‘జరగండి, రా మచ్చా, నానా హైరానా’ అనే మూడు లిరికల్ సాంగ్స్ను విడుదల చేయగా, అవి మ్యూజిక్ లవర్స్ని బాగా ఇంప్రెస్ చేశాయి. దీంతో మూవీపై అంచనాలు రెట్టింపు అయ్యాయి. త్వరలోనే ఈ మూవీ యూనిట్ మరో సాలిడ్ అప్డేట్తో రానున్నట్టు తెలుస్తోంది.
లక్నోలో టీజర్ లాంచ్ చేయడం ద్వారా గేమ్ను మొదలుపెట్టిన రామ్ చరణ్, దిల్ రాజులు తమ తర్వాతి ఈవెంట్లను పకడ్బందీగా ప్లాన్ చేశారు. అమెరికాలోని డల్లాస్ లో ఒక స్పెషల్ ఈవెంట్, దాని తర్వాత చెన్నైలో మరో ఈవెంట్, అలాగే జనవరి ఫస్ట్ వీక్ లో ఏపీ, తెలంగాణ రాష్ట్రాలలో భారీ ప్రమోషనల్ కార్యక్రమాలను ఏర్పాటుచేయబోతున్నారు. ఇలా రిలీజ్ వరకు వివిధ ప్రమోషన్స్ను నిర్వహించనున్నారు.
సమకాలీన రాజకీయ అంశాల నేపథ్యంలో రూపొందుతోన్న ఈ చిత్రంలో రామ్ చరణ్ డ్యూయల్ రోల్స్లో డిఫరెంట్ క్యారెక్టర్స్లో కనిపించనున్నారు. ఈ పొలిటికల్ యాక్షన్ ఎంటర్టైనర్లో శ్రీకాంత్, ఎస్జే సూర్య, జయరామ్, సముద్రఖని, సునీల్, అంజలి ఇతర ప్రధాన పాత్రలు పోషిస్తున్నారు. ఇక ఈ పాన్ ఇండియా మూవీకి కార్తీక్ సుబ్బరాజు కథనందించగా.. సాయిమాధవ్ బుర్రా డైలాగ్స్ రాశారు. అలాగే మ్యూజికల్ సెన్సేషన్ థమన్ సంగీతం అందిస్తున్నాడు.
కాగా గేమ్ ఛేంజర్ చిత్రం తెలుగు, తమిళం, హిందీ భాషల్లో గ్రాండ్గా విడుదలకానుంది. ‘ఆర్ఆర్ఆర్’తో ప్రపంచవ్యాప్తంగా గుర్తింపు తెచ్చుకున్న చరణ్, పాన్ ఇండియా డైరెక్టర్ శంకర్ కాంబోలో వస్తున్న సినిమా కావడంతో దీనిపై భారీ అంచనాలు నెలకొన్నాయి. ఇదిలావుంటే, మరోవైపు చరణ్ ‘ఉప్పెన’ ఫేమ్ బుచ్చిబాబు దర్శకత్వంలో క్రీడాంశం నేపథ్యంలో ఆర్సీ16 చిత్రంలో నటిస్తున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
