మోసగాళ్లకు మోసగాడు ట్రైలర్ రిలీజ్

సూపర్ స్టార్ కృష్ణ తన సినీ చరిత్రలో చేసిన ప్రయోగాల గురించి ప్రత్యేకంగా చెప్పనక్కర్లేదు. ప్రయోగాలు చేయడం అంటే ఆయనకు ఇష్టం. ఆ ఇష్టం వల్లే ఎన్నో క్లాసిక్ సినిమాలను మనకు అందించగలిగారు. అందులో ముందుగా చెప్పుకోవాల్సింది మోసగాళ్లకు మోసగాడు సినిమా గురించి. మోసగాళ్లకు మోసగాళ్లు సినిమాకు ముందు కౌబాయ్ తరహా పాత్రలు రాలేదు. తెలుగు సినీ చరిత్రలో వచ్చిన మొట్టమొదటి కౌబాయ్ సినిమా ఇది. సూపర్ స్టార్ కృష్ణ పుట్టిన రోజు సందర్భంగా ఈక్లాసిక్ ను కూడా రీ రిలీజ్ చేయనున్నారు. మే 31వ తేదీన ఈసినిమా రీ రిలీజ్ అవుతుంది. ఈసినిమాను 4కే వెర్షన్ లో భారీ స్థాయిలో రిలీజ్ చేయనున్నారు. దీనిలో భాగంగానే ఈసినిమా ట్రైలర్ ను తాజాగా రిలీజ్ చేశారు మేకర్స్. సూపర్ స్టార్ మహేష్ బాబు చేతుల మీదుగానే ఈట్రైలర్ ను రిలీజ్ చేయించారు.

ఇక ఈసినిమా అప్పట్లో సంచలనాలు సృష్టించింది. కృష్ణ ప్రధాన పాత్రలో తన సొంత బ్యానర్ శ్రీ పద్మాలయ ఫిలింస్ పతాకంపై నిర్మించిన ఈసినిమాకు కెఎస్ఆర్ దాస్ దర్శకత్వం వహించగా.. కథ, మాటలు, పాటలు ఆరుద్ర అందించారు. ఇక ఈసినిమా ద్వారా ఎన్నో కొత్త విషయాలను ఆవిష్కరించారు. అప్పుడప్పుడే కలర్ సినిమా వస్తున్న రోజులు.. అలాంటి రోజుల్లో కూడా తన సినిమాటోగ్రఫితో సినిమాను నెక్ట్స్ లెవల్ తీసుకెళ్లాడు ఏఎస్ఆర్ స్వామి. ఈసినిమా కోసం ఆయన ప్రత్యేకంగాా కొత్త సాంకేతికత కలిగిన కెమెరా లెన్స్ ల శిక్షణ కూడా తీసుకున్నాడు. అలా తెరకెక్కిన ఈసినిమా ఒకటి కాదు రెండు కాదు దాదాపు మోసగాళ్లకు మోసగాడు చిత్రం 56 దేశాల్లో విడుదల అయ్యి రికార్డు సాధించింది. అప్పటి వరకు ఏ ఇండియన్‌ సినిమా కూడా అంత పెద్ద స్థాయిలో విడుదల అయ్యింది లేదు. హాలీవుడ్‌లో డబ్బింగ్‌ అయిన మొదటి ఇండియన్‌ సినిమాగా కూడా మోసగాళ్లకు మోసగాడు చిత్రం నిలిచింది.

ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇

తెలుగు          తమిళ్          కన్నడ          మలయాళం          డబ్బేడ్ ఫిలిమ్స్