రిలీజ్ అయిన రావణాసుర సెకండ్ సింగల్ ప్యార్ లోన పాగల్

ధమాకా, వాల్తేరు వీరయ్య మూవీస్ సక్సెస్ ను ఎంజాయ్ చేస్తున్న మాస్ మహారాజ రవితేజ ప్రస్తుతం రావణాసుర, టైగర్ నాగేశ్వరరావు షూటింగ్స్ లో పాల్గొంటున్నారు. అభిషేక్ పిక్చర్స్, ఆర్.టి టీమ్ బ్యానర్స్ పై సుధీర్ వర్మ దర్శకత్వంలో రవితేజ హీరోగా తెరకెక్కుతున్న యాక్షన్ ఎంటర్ టైనర్ రావణాసుర మూవీ 2023 ఏప్రిల్‌ 7 వ తేదీ రిలీజ్ కానుంది. ఈ మూవీలో అను ఇమ్మాన్యుయేల్, ఫరియా అబ్దుల్లా, మేఘా ఆకాష్, పూజిత పొన్నాడ, దక్ష నగార్కర్ కథానాయికలు. హీరో సుశాంత్ ఒక కీలక పాత్రలో నటిస్తున్నారు. ఈ మూవీ కి హర్షవర్ధన్ రామేశ్వర్, భీమ్స్ సిసిరోలియో సంగీతం అందిస్తున్నారు. చిత్ర యూనిట్ రిలీజ్ చేసిన పోస్టర్స్ ప్రేక్షకులను విశేషంగా ఆకట్టుకున్నాయి.

రావణాసుర చిత్ర యూనిట్ రిలీజ్ చేసిన పోస్టర్స్, ఫస్ట్ సింగిల్ ప్రేక్షకులను ఆకట్టుకున్నాయి. తాజాగా చిత్ర యూనిట్ రావణాసుర సెకండ్ సింగల్ ప్యార్ లోన పాగల్ ను రిలీజ్ చేసింది. హర్షవర్ధన్‌ రామేశ్వర్‌ స్వర పరిచిన ట్యూన్‌ ఫ్రెష్‌గా, క్యాచీగా ఉంది. కాసర్ల సాహిత్యం కిక్కిస్తోంది. తాజాగా రిలీజ్ చేసిన సెకండ్ సింగిల్ ప్యార్‌లోన పాగల్‌ సోషల్ మీడియాలో వైరల్ అవుతోంది. ఈ బ్రేకప్‌ సాంగ్‌లో రవితేజ మాస్ డాన్స్ ఆకర్షిస్తోంది. ఈ పాటను స్వయంగా రవితేజ పాడటం విశేషం. ఈ సాంగ్ వైరల్ అవుతూ వేగంగా వ్యూస్ రాబడుతోంది.