హీరో ప్రభాస్ తో నటించాలని ఉంది – కిచ్చా సుదీప్

July 30, 2022

పలు బ్లాక్ బస్టర్ కన్నడ మూవీస్ లో అద్భుతంగా పెర్ఫార్మ్ చేసి ప్రేక్షకులను అలరిస్తూ కిచ్చా సుదీప్ శాండల్ వుడ్ లో స్టార్ హీరోగా కొనసాగుతున్నారు. “ఈగ”, “బాహుబలి”, “సైరా నరసింహారెడ్డి” చిత్రాల్లో అద్భుతంగా పెర్ఫార్మ్ చేసి సుదీప్ తెలుగు ప్రేక్షకులను అలరించిన విషయం తెలిసిందే. తాజాగా అనూప్ భండారి దర్శకత్వంలో సూపర్ స్టార్ కిచ్చా సుదీప్ హీరోగా భారీ బడ్జెట్ తో తెరకెక్కిన యాక్షన్ అడ్వెంచర్ ఫాంటసీ ” విక్రాంత్ రోణ”కన్నడ మూవీ జులై 28 వ తేదీ దక్షిణాది భాషలతో పాటు హిందీ భాషలో కూడా రిలీజ్ అయిన విషయం తెలిసిందే. హీరో సుదీప్ తన పాత్రకు తగ్గట్లు లుక్స్ అండ్ నటన పరంగా ప్రేక్షకులను ఆకట్టుకున్నారు. ముఖ్యంగా క్లైమాక్స్ లో వచ్చే ఎమోషనల్ సీన్ లో సుదీప్ నటన సినిమాకే ప్రత్యేక ఆకర్షణగా నిలిచింది.

మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:

లేటెస్ట్ తెలుగు మూవీస్

తాజాగా హీరో సుదీప్ పాన్ ఇండియా స్టార్ ప్రభాస్ పై వెరీ స్వీట్ గై అంటూ ప్రశంసలు కురిపించారు. హీరో ప్రభాస్ తో కలసి నటించాలనే కోరిక ను సుదీప్ వెల్లడించారు. విలన్ గా కాదు హీరోగానే నటిస్తాననీ , మా ఇద్దరికీ సూట్ అయ్యే స్క్రిప్ట్ సెట్ అయితే ప్రభాస్ తో స్క్రీన్ షేర్ చేసుకొనడానికి సిద్ధం అని సుదీప్ చెప్పారు.