‘లైగర్’ అక్డీ పక్టీ ఫుల్ సాంగ్ రిలీజ్..!

పూరీ జగన్నాథ్ దర్శకత్వంలో విజయ్ దేవరకొండ హీరోగా వస్తున్న సినిమా లైగర్. ప్రస్తుతం ఈసినిమా పోస్ట్ ప్రొడక్షన్ పనులను జరుపుకుంటుంది. మరోవైపు ఈసినిమా ప్రమోషన్ కార్యక్రమాలు కూడా మొదలుపెట్టారు. ఈసినిమా నుండి ఇప్పటివరకూ పలు పోస్టర్లు, గ్లింప్స్ రిలీజ్ అవ్వగా సినిమా అంచనాలను మరింత పెంచేశాయి. ఇక ఇప్పుడు మ్యూజికల్ ప్రమోషన్స్ కూడా స్టార్ట్ చేశారు. దీనిలో భాగంగానే ఈసినిమా నుండి అక్డీ పక్డీ పాటను రిలీజ్ చేశారు. ఈపాట ప్రోమోను ఇప్పటికే రిలీజ్ చేయగా ప్రోమోకే సూపర్ రెస్పాన్స్ వచ్చింది. ఈ పాటలో విజయ్ మాస్ స్టెప్పులతో, అనన్య పాండే గ్లామర్‌ తో ఆకట్టుకున్నారు. ఇప్పుడు తాజాగా ఫుల్ సాంగ్ ను రిలీజ్ చేశారు. ఇక సాంగ్ పూర్తిగా మాస్ బీట్స్‌కు విజయ్ దేవరకొండ స్టెప్పులు తోడవ్వడంతో ఈ పాట మాస్ఆ డియెన్స్‌కు ఫుల్ ట్రీట్ కాబోతుందని అర్థమవుతోంది.

ఈ సినిమాలో విజయ్ దేవరకొండకు జోడీగా అనన్య పాండే నటిస్తుండగా. బాక్సింగ్ లెజెండ్ మైక్ టైసన్ కీలక పాత్రలో నటించనున్నారు. రమ్యకృష్ణ తోపాటు బాలీవుడ్ హీరో సునీల్ శెట్టి కూడా ఓ కీలక పాత్రలో నటిస్తున్నాడు. ఈ సినిమాను పూరి కనెక్ట్స్ , ధర్మా ప్రొడక్షన్స్ బ్యానర్ పై తెలుగు, హిందీ, తమిళ, మలయాళ, కన్నడ భాషల్లో తెరకెక్కిస్తున్నారు. ఆగష్ట్ 25వ తేదీన ఈసినిమా ప్రేక్షకుల ముందుకు రానుంది.