మాస్ మహారాజా రవితేజ మంచి దూకుడుమీదున్నాడు. హిట్స్ ఫ్లాప్స్ తో సంబంధం లేకుండా వరుసగా సినిమాలు చేసుకుంటూ వెళుతున్నాడు. ప్రస్తుతం పలు సినిమాలతో బిజీగా ఉండగా అందులో శరత్ మండవ దర్శకత్వంలో వస్తున్న సినిమా రామారావు ఆన్ డ్యూటీ. శరత్ మండవ దర్శకుడిగా ఈ సినిమాతో పరిచయం అవుతున్నారు. యదార్థ సంఘటన ఆధారంగా శరత్ మండవ ఈసినిమాను రూపొందిస్తున్నట్టు తెలుస్తుంది. ఇక ఇప్పటికే ఈ సినిమా నుంచి విడుదలైన టైటిల్, పోస్టర్లు సినిమాకు మంచి హైప్ క్రియేట్ చేశాయి. రీసెంట్ గానే ఈసినిమా టీజర్ లోడింగ్ అవుతుంది అంటూ డైరెక్టర్ అప్ డేట్ ఇచ్చిన సంగతి గుర్తుండే ఉంటుంది కదా. ఇదిలా ఉండగా ఇప్పుడు ఈసినిమా నుండి ఫ్యాన్స్ కు సర్ ప్రైజింగ్ అప్ డేట్ ఇచ్చింది చిత్రబృందం. ఈ సినిమా టీజర్ డేట్ ఫిక్స్ చేస్తూ అధికారికంగా ప్రకటించారు. మార్చి 1వ తేదీన అంటే మహా శివరాత్రి పండుగ సందర్భంగా ఈ సినిమా టీజర్ ను విడుదల చేయాలనిచిత్ర బృందం నిర్ణయిస్తూ.. ఈ మేరకు ఓ పోస్టర్ ను కూడా రిలీజ్ చేశారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
Teaser on 1st March! 👊🏻#RamaRaoOnDuty pic.twitter.com/PhUK3XoAMt
— Ravi Teja On Duty (@RaviTeja_offl) February 26, 2022
కాగా ఇప్పటికే ఈసినిమా రిలీజ్ కోసం రెండు డేట్లను ఫిక్స్ చేసుకొని పెట్టుకున్నారు మేకర్స్. మార్చి 25న లేదా ఏప్రిల్ 15న ఈ మూవీని విడుదల చేయాలని నిర్మాతలు నిర్ణయించుకున్నారు. మరి ఫైనల్ గా ఏ డేట్ న రిలీజ్ అవుతుందో చూడాలి..
కాగా ఈ చిత్రాన్ని ఎస్ఎల్వీ సినిమాస్, ఆర్టీ టీం వర్క్స్ బ్యానర్లపై సుధాకర్ చెరుకూరి నిర్మిస్తున్నారు. సీనియర్ హీరో వేణు తొట్టెంపూడి ఈ సినిమా ద్వారా రీఎంట్రీ ఇస్తుండటం విశేషం. నాజర్, నరేశ్, పవిత్ర లోకేష్ తదితరులు ముఖ్యమైన పాత్రల్లో నటిస్తున్నారు. ఈ సినిమాలో దివ్యాంశ కౌశిక్, రజిషా విజయన్ హీరోయిన్లు గా నటిస్తున్నారు. ఈసినిమాకు శ్యామ్ సీఎస్ సంగీతం అందిస్తుండగా సత్యన్ సూర్యన్ సినిమాటోగ్రాఫర్గా వర్క్ చేస్తున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: