టాలీవుడ్ లో బాలీవుడ్ హీరోయిన్స్ సందడి

February 14, 2022

టాలీవుడ్ లో పలు పాన్ ఇండియా మూవీస్ తెరకెక్కడం, దేశవ్యాప్తం గా తెలుగు సినిమా గుర్తింపు పొందడం , మూవీస్ సక్సెస్ రేట్ వంటి కారణాలతో బాలీవుడ్ స్టార్ హీరోయిన్స్ తెలుగు మూవీస్ లో నటించడానికి ఆసక్తి చూపుతున్నారు. ఇప్పటికే రెండు తెలుగు మూవీస్ లో కథానాయికగా నటించిన కియారా అద్వానీ ప్రస్తుతం శంకర్ దర్శకత్వంలో రామ్ చరణ్ హీరోగా తెరకెక్కుతున్న “#RC 15 “మూవీ లో కథానాయికగా నటిస్తున్నారు. పలువురు బాలీవుడ్ హీరోయిన్స్ టాలీవుడ్ కు పరిచయం అవుతున్నారు.

మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:

లేటెస్ట్ తెలుగు మూవీస్

వైజయంతీ మూవీస్ బ్యానర్ పై బ్లాక్ బస్టర్ “మహానటి “మూవీ ఫేమ్ నాగ్ అశ్విన్ దర్శకత్వంలో పాన్ ఇండియా స్టార్ ప్రభాస్ , దీపిక పడుకొనే జంటగా టైమ్ ట్రావెల్ నేపథ్యం లో భారీ బడ్జెట్ తో పాన్ వరల్డ్ మూవీ “ప్రాజెక్ట్ K ” తెరకెక్కుతుంది.ఈ మూవీ తో దీపిక టాలీవుడ్ కు పరిచయం అవుతున్నారు. యంగ్ టైగర్ ఎన్టీఆర్ తో నటించాలనే కోరిక ను దీపిక వెల్లడించారు. డివివి ఎంటర్ టైన్ మెంట్స్ బ్యానర్ పై స్టార్ డైరెక్టర్ రాజమౌళి దర్శకత్వంలో భారీ బడ్జెట్ , భారీ తారాగణం తో తెరకెక్కిన “రౌద్రం రణం రుధిరం”మూవీ తో అలియా టాలీవుడ్ కు పరిచయం అవుతున్నారు . “NTR30 “మూవీ కి అలియా గ్రీన్ సిగ్నల్ ఇచ్చారు.ఐకాన్ స్టార్ అల్లు అర్జున్ తో నటించాలని ఉందని అలియా చెప్పిన విషయం తెలిసిందే.

పూరి కనెక్ట్స్ , ధర్మా ప్రొడక్షన్స్ బ్యానర్స్ పై పూరి జగన్నాథ్ దర్శకత్వంలో క్రేజీ హీరో విజయ్ దేవరకొండ , అనన్య పాండే జంటగా బాక్సింగ్ నేపథ్యం లో తెలుగు , హిందీ భాషలలో సాలా క్రాస్‌బ్రీడ్‌ క్యాప్షన్ తో తెరకెక్కుతున్న యాక్షన్ ఎంటర్ టైనర్ “లైగర్ “మూవీ 2022 ఆగస్ట్ 25 వ తేదీ రిలీజ్ కానుంది. ఈ మూవీతో అనన్య పాండే టాలీవుడ్ కు పరిచయం అవుతున్నారు.అల్లు అరవింద్ సమర్పణలో రినైసన్స్ పిక్చర్స్ , అల్లు బాబీ కంపెనీ బ్యానర్స్ పై కిరణ్ కొర్రపాటి దర్శకత్వంలో హీరో వరుణ్ తేజ్ బాక్సింగ్ నేపథ్యం లో స్పోర్ట్స్ డ్రామాగా “గని “మూవీ ఫిబ్రవరి 25 వ తేదీ రిలీజ్ కానుంది. ఈ మూవీ తో సాయీ మంజ్రేకర్ టాలీవుడ్ కు కథానాయికగా పరిచయం అవుతున్నారు. సోనీ పిక్చర్ ఇండియా , జి ఎమ్ బి ఎంటర్ టైన్ మెంట్ , A +S మూవీస్ బ్యానర్స్ పై శశి కిరణ్ తిక్క దర్శకత్వంలో అడివి శేష్, సాయీ మంజ్రేకర్ జంటగా మేజర్ సందీప్ ఉన్ని కృష్ణన్ జీవిత చరిత్ర ఆధారంగా తెలుగు , హిందీ భాషలలో తెరకెక్కిన “మేజర్” మూవీ మే 27 వ తేదీ రిలీజ్ కానుంది.