పొలిమేర నాగేశ్వర్ దర్శకత్వంలో ఆది సాయికుమార్ ఒక సినిమా చేస్తున్న సంగతి తెలిసిందే కదా. అతిథి దేవోభవ అనే టైటిల్ తో ఈసినిమా తెరకెక్కిస్తున్నారు. యాక్షన్ థ్రిల్లర్ నేపథ్యంలో తెరకెక్కుతున్న ఈసినిమా ప్రస్తుతం పోస్ట్ ప్రొడక్షన్ పనులు జరుపుకుంటుంది. ఈ సినిమా టైటిల్, ఫస్ట్ లుక్ పోస్టర్ తో పాటు విడుదలైన పాటలకు ప్రేక్షకుల నుంచి మంచి రెస్పాన్స్ వచ్చింది.
ఇక తాజాగా ఈసినిమా టీజర్ ను రిలీజ్ చేశారు చిత్రయూనిట్. ఈ ప్రపంచంలో ఎవరికైనా మన లోపం గురించి చెప్పుకుంటే… వాళ్ళు మనకు సపోర్ట్ చేయకపోగా… ఆ లోపాన్ని చూసి ఆనందిస్తారని ఆ రోజే నాకు అర్థమైంది అంటూ ఈ టీజర్ స్టార్ట్ అవుతుంది. యాక్షన్ తో పాటు లవ్ యాంగిల్ ను కూడా ఈ టీజర్ లో చూపించారు. లాస్ట్ లో రాముడికి లక్ష్మణుడు వెంటున్నట్టు నా భయం ఎప్పుడూ నాతోనే ఉంటుంది. అని చెప్పడం ఆసక్తికరంగా మారింది. మొత్తానికి టీజర్ అయితే ఆకట్టుకుంటుంది.
t@telugufilmnagar
Intriguing Teaser of #AadiSaiKumar's #AtithiDevobhava💥 out now on @telugufilmnagar!
ఇక ఈసినిమాలో ఆది సరసన నువేక్ష హీరోయిన్ గా నటిస్తుంది. శ్రీనివాస సినీ క్రియేషన్స్ బ్యానర్ పై రామ సత్యన్నారాయణ రెడ్డి సమర్పిస్తున్నారు. శేఖర్ చంద్ర సంగీతం అందిస్తున్న ఈసినిమాకు.. అమరనాధ్ బొమ్మిరెడ్డి సినిమాటోగ్రాఫర్ గా వ్యవహరిస్తున్నారు. త్వరలోనే ఈ సినిమా ప్రేక్షకుల ముందుకు రానుంది.