కరోనా ప్రభావం తగ్గినట్టు కనిపిస్తున్నా కానీ ఇంకా పలువురు సెలబ్రిటీలు మాత్రం కరోనా బారిన పడుతూనే ఉన్నారు. రెండు రోజుల క్రితమే విలక్షణ నటుడు కమల్ హాసన్ కరోనా పాజిటివ్ నిర్ధారణ అయిన సంగతి తెలిసిందే కదా. ఇటీవలే అమెరికా నుంచి భారత్కు తిరిగొచ్చిన ఆయన స్వల్ప అనారోగ్యానికి గురయ్యారు. దీంతో పరీక్షలు చేయించుకోగా కరోనా పాజిటివ్గా తేలింది. ఇక ఈవిషయాన్ని ఆయనే స్వయంగా సోషల్ మీడియా ద్వారా తెలియచేస్తూ అందరినీ జాగ్రత్తగా ఉండమని కూడా సూచించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇక ప్రస్తుతం కమల్ ఆరోగ్యం అయితే నిలకడగా ఉన్నట్టే తెలుస్తుంది. ఈమేరకు హెల్త్ బులిటెన్ ఇచ్చారు వైద్య సిబ్బంది. కమల్ శ్రీరామ చంద్ర మెడికల్ సెంటర్ లో చికిత్స తీసుకుంటున్నారు. ఈనేపథ్యంలో.. కమల్ పారామీటర్స్ అంతా కంట్రోల్ లోనే ఉన్నాయని.. అలాగే తన ఆరోగ్యం కూడా నిలకడగా ఉందని ఈ బులెటిన్ ద్వారా వైద్యులు తెలియజేసారు.
ఇక కమల్ సినిమాల విషయానికొస్తే లోకేష్ కనగరాజ్ దర్శకత్వంలో ‘విక్రమ్’ అనే సినిమాలో నటిస్తున్నారు. కోలీవుడ్ స్టార్ నటుడు విజయ్ సేతుపతి, మలయాళ స్టార్ నటుడు ఫహద్ ఫాసిల్ ఈ సినిమాలో కీలక పాత్రలు పోషిస్తున్నారు. ఇప్పటివరకు విడుదలైన ఈ సినిమా పోస్టర్లు, టీజర్లు సినిమాపై అంచనాలను పెంచేశాయి. త్వరలోనే ఈ సినిమా ప్రేక్షకుల ముందుకు రానుంది.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: