‘1997’ సినిమా టీజర్ రిలీజ్

డాక్టర్ మోహన్ దర్శకత్వంలో వస్తున్న సినిమా 1997. డాక్టర్ మోహన్ ఈసినిమాకు దర్శకత్వం వహించడమే కాదు నటిస్తున్నారు కూడా. మోహన్ తోపాటు ఈసినిమాలో నవీన్ చంద్ర, శ్రీకాంత్ అయ్యంగార్ కూడా కీలక పాత్రల్లో నటిస్తున్నారు. యదార్థ సంఘటనల ఆధారంగా ఈసినిమా తెరకెక్కిస్తున్నట్టు తెలుస్తుంది. ఇప్పటికే ఈ సినిమా నుండి ఫస్ట్ లుక్స్ కు సంబంధించిన పోస్టర్లు, అలాగే ఒక పాట కూడా రిలీజ్ చేయగా అవి అందరినీ బాగానే ఆకట్టుకున్నాయి. ఇక ఇప్పుడు తాజాగా ఈసినిమా నుండి టీజర్ ను రిలీజ్ చేశారు మేకర్స్.

ఇంకా ఈసినిమాలో కోటి, బెనర్జీ, రవి ప్రకాష్, రామ రాజు తదితరులు నటిస్తున్నారు. ఈశ్వర్ పార్వతి మూవీస్ పతాకంపై మీనాక్షి రమావత్ ఈ చిత్రాన్ని నిర్మించారు. ప్రముఖ మ్యూజిక్ డైరెక్టర్ కోటి ఈ సినిమాలో నటించడంతో పాటు సంగీతం అందిస్తుండటం విశేషం. చిట్టి బాబు సినిమాటోగ్రఫి అందిస్తున్నారు. ఈ సినిమా నవంబర్ 26వ తేదీన ప్రేక్షకుల ముందుకు రానుంది.

[subscribe]