“ఆశ ఎన్‌కౌంట‌ర్”మూవీ ట్రైలర్ రిలీజ్

అనురాగ్ కంచర్ల ప్రొడక్షన్స్ బ్యానర్ పై రామ్ గోపాల్ వర్మ పర్యవేక్షణ లో ఆనంద్ చంద్ర దర్శకత్వంలో సోనియా ఆకుల , శ్రీకాంత్ అయ్యంగార్ , ప్రవీణ్ రాజ్ ప్రధాన పాత్రలలో తెలంగాణ లోనే కాదు, దేశవ్యాప్తంగా సంచలనం సృష్టించిన దిశ అత్యాచార ఘటన, ఆపై ఎన్ కౌంటర్ ను ఆధారంగా తెరకెక్కిన “దిశ ఎన్‌కౌంటర్” మూవీ నవంబర్ 26 వ తేదీ రిలీజ్ కానుంది. డి ఎస్ ఆర్ సంగీతం అందించారు. మూవీ టైటిల్ పై అభ్యంతరాలు రావడం తో టైటిల్ ను “ఆశ ఎన్‌కౌంట‌ర్” గా మార్చారు.

తాజాగా “ఆశ ఎన్‌కౌంట‌ర్”మూవీ ట్రైలర్ ను రామ్ గోపాల్ వర్మ రిలీజ్ చేశారు. ట్రైలర్ ప్రారంభంలోనే ఈ చిత్రం ఏ వ్యక్తులపైనా ఏ ఘటనల పైనా ఆధారపడి తీయలేదనీ , కేవలం కల్పితం అనీ చెప్పారు. ట్రైలర్ లో నిర్జన ప్రదేశంలో యువతిపై కొందరు దుండగుల అత్యాచారం హత్య అనంతరం విచారణలో భాగంగా పోలీసుల ఎన్ కౌంటర్ చేసి దుండగుల్ని హతమార్చడం వగైరా ఘటనల్ని దర్శకుడు తెరకెక్కించారు.