గౌరీ రోనంకి దర్శకత్వంలో శ్రీకాంత్ తనయుడు రోషన్ హీరోగా వస్తున్న సినిమా ‘పెళ్లి సందD’. పాత సినిమా పెళ్లిసందడిలో శ్రీకాంత్ నటించగా ఇప్పుడు ఈ మోడ్రన్ పెళ్లి సందD తో రోషన్ సందడి చేయడానికి వచ్చేస్తున్నాడు. ఇక ఈసినిమా ప్రస్తుతం షూటింగ్ ను పూర్తిచేసుకొని పోస్ట్ ప్రొడక్షన్ పనులు మొదలుపెట్టింది. ఇప్పటికే ఈసినిమా నుండి పలు పాటలను రిలీజ్ చేయగా అవి బాగానే ఆకట్టుకున్నాయి. నేడు తాజాగా ఈసినిమా నుండి టీజర్ ను రిలీజ్ చేశారు చిత్రయూనిట్. ఇక టీజర్ ను బట్టి ఇందులో రోషన్ బాస్కెట్ బాల్ ప్లేయర్‌గా మనకు కనిపిస్తున్నాడు. అంతేకాదు రోషన్ యాక్షన్, డ్యాన్స్ అన్నీ టీజర్ లో చూపించారు. మొత్తానికి టీజర్ అయితే ఆకట్టుకునేలాగే ఉంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
#PelliSandaD Teaser… https://t.co/jDcH5fafun @mmkeeravaani#Roshann #SreeLeela @Ragavendraraoba #GowriRonanki @arkamediaworks @Shobu_ @boselyricist @adityamusic
— Raghavendra Rao K (@Ragavendraraoba) September 14, 2021
ఇక ఈసినిమాలో శ్రీలీల హీరోయిన్‌గా నటిస్తుంది. ఇదిలా ఉండంగా ఈసినిమాలో దర్శకేంద్రుడు రాఘవేంద్రరావు కూడా ఒక కీలక పాత్రలో నటిస్తున్న సంగతి తెలిసిందే. ఇటీవలే ఈయనకు సంబంధించిన పోస్టర్ కూడా రిలీజ్ చేశారు. ఆర్‌కే ఫిలిం అసోసియేట్స్‌, ఆర్కా మీడియా వ‌ర్క్స్ బ్యానర్స్‌పై కె. కృష్ణ‌మోహ‌న్ రావు సమర్పణలో రూపొందుతున్న ఈ మూవీకి మాధ‌వి కోవెల‌మూడి, శోభు యార్ల‌గడ్డ, ప్ర‌సాద్ దేవినేని నిర్మాతలుగా వ్యవహరిస్తున్నారు.
కాగా దర్శకేంద్రుడు రాఘవేంద్ర రావు దర్శకత్వంలో శ్రీకాంత్, రవళి, దీప్తి భట్నాకర్ కాంబినేషన్ లో పాతికేళ్ల క్రితం వచ్చిన పెళ్లి సందడి సినిమా ఎంత సంచలన విజయం దక్కించుకుందో ప్రత్యేకంగా చెప్పనక్కర్లేదు. కామెడీ రొమాంటిక్ ఎంటర్‌టైనర్ గా తెరకెక్కిన ఈ సినిమా రికార్డులు తిరగరాసింది. మరి ఇప్పుడు శ్రీకాంత్ తనయుడికి ఈసినిమా ఎలాంటి అనుభవాన్ని ఇస్తుందో చూడాలి.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
