కోరనా ప్రభావం చాలా వరకూ తగ్గింది. అలానే థియేటర్లు కూడా ఓపెన్ అయ్యాయి. దీంతో మేకర్స్ వీలైనంత త్వరగా తమ సినిమాలను రిలీజ్ చేయడానికి ప్లాన్ చేస్తున్నారు . గత వారం పలు సినిమాలు బాక్సాఫీస్ వద్ద సందడి చేయగా.. ఈ శుక్రవారం కూడా దాదాపు అరడజనుకు పైగా సినిమాలు రిలీజ్ అవుతున్నాయి. మరోవైపు పలు సినిమాలు రిలీజ్ డేట్స్ ను ఫిక్స్ చేసుకొని థియేటర్లలోకి రావడానికి రెడీ అవుతున్నాయి. ఇక ఇప్పటికే ఎన్నో సినిమాలు రిలీజ్ డేట్ లను ఫిక్స్ చేసుకోగా ఇప్పుడు కూడా తన సినిమాతో వచ్చేస్తున్నాడు సుశాంత్.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
సుశాంత్ S. దర్శన్ దర్శకత్వంలో ఇచ్చట వాహనములు నిలుపరాదు సినిమా చేస్తున్న సంగతి తెలిసిందే. ఈ సినిమా షూటింగ్ ఎప్పుడో స్టార్ట్ అయింది. అయితే కరోనా వల్ల షూట్ కు బ్రేక్ పడగా ఇటీవలే షూటింగ్ పోస్ట్ ప్రోడక్షన్ పనులు ముగించుకొని ఎప్పుడు థియేటర్లు తెరిస్తే వద్దామా అని ఎదురుచూస్తుంది. ఇక నేడు ఈసినిమా రిలీజ్ డేట్ ను ప్రకటించారు చిత్రయూనిట్. ఆగష్ట్ 27న ఈసినిమాను రిలీజ్ చేస్తున్నట్టు అధికారికంగా ప్రకటించారు.
కాగా ఈ సినిమాలో మీనాక్షి చౌదరి హీరోయిన్ గా నటిస్తుండగా.. A1స్టూడియోస్, శాస్త్ర మూవీస్ బ్యానర్స్ పై ఈ సినిమాను నిర్మిస్తున్నారు. ప్రవీణ్ లక్కరాజు సంగీతం సమకూరుస్తున్న ఈ చిత్రానికి ఎం.సుకుమార్ సినిమాటోగ్రాఫర్గా పనిచేస్తున్నాడు. ఇక ఇప్పటికే విడుదల చేసిన ఫస్ట్ లుక్, టైటిల్కు కూడా మంచి రెస్పాన్స్ రావడంతో సుశాంత్ డిఫరెంట్ స్టోరీ తో వస్తున్నాడని అర్ధమవుతుంది. ఈసినిమాతో అయినా మంచి హిట్ కొడతాడేమో చూద్దాం.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: