ఎప్పటినుండో ఉన్న సస్పెన్స్ కు ఇప్పుడు ఫైనల్ గా తెర పడింది. ఇంతకీ ఆ సస్పెన్స్ ఏంటంటే… శంకర్- రామ్ చరణ్ కాంబినేషన్ లో ఓ భారీ బడ్జెట్ తో సినిమా రాబోతున్న సంగతి తెలిసిందే. ఇక ఈసినిమా ప్రస్తుతం ప్రీ ప్రొడక్షన్ పనుల్లో బిజీగా ఉంది. అయితే ఈసినిమాలో నటించే హీరోయిన్ గురించి ఇప్పటికే పలు వార్తలు వచ్చిన సంగతి తెలిసిందే కదా. చాలా రోజుల నుండి ఈసినిమాలో హీరోయిన్స్ గా బాలీవుడ్ భామలు అలియా.. మరోవైపు కియారా పేర్లు వినిపించాయి. ఆ తరువాత టాలీవుడ్ లో స్టార్ హీరోయిన్ గా దూసుకుపోతున్న రష్మిక మందన్న పేరు కూడా తెరపైకి వచ్చింది. దాదాపు కన్ఫామ్ అయింది అని కూడా అన్నారు. కానీ ఇప్పుడు ఫైనల్ గా ఈ వార్తలకు బ్రేక్ పడింది. ఈసినిమాలో కియారా ను సెలక్ట్ చేశారు. నేడు కియారా పుట్టినరోజు సందర్భంగా ఆమెకు బర్త్ డే విషెస్ చెబుతూ అధికారికంగా ప్రకటించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
మరి వీరిద్దరి కాంబినేషన్ లో పొలిటికల్ నేపథ్యంలో సినిమా రాబోతున్నట్టు.. ఈసినిమాలో చరణ్ పొలిటీషియన్ కనిపిస్తాడని ఇప్పటికే వార్తలు కూడా వచ్చాయి. మరి ఇండియన్ సినిమా రేంజ్ ను మార్చిన శంకర్ చరణ్ కోసం ఏ కథను రెడీ చేశాడో తెలియాలంటే మాత్రం కొద్దిరోజులు వెయిట్ చేయాల్సిందే.
కాగా ప్రస్తుతం చరణ్ రెండు సినిమాలతో ప్రేక్షకులను అలరించడానికి సిద్ధం అవుతున్నాడు. అందులో ఒకటి దర్శకధీరుడు రాజమౌళి తెరకెక్కిస్తున్న ఆర్ఆర్ఆర్. ఈ సినిమాలో చరణ్ అల్లూరి సీతారామరాజుగా నటిస్తున్నాడు. భారీ బడ్జెట్ తో తెరకెక్కుతున్న ఈ సినిమాపై ప్రేక్షకుల్లో అంచనాలు కూడా భారీగానే ఉన్నాయి. అలాగే మెగాస్టార్ చిరంజీవి నటిస్తున్న ఆచార్య సినిమాలో కీలక పాత్రలో నటిస్తున్నాడు చరణ్.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
