'మాస్టర్' 100% ఆక్యుపెన్సీకి అనుమతి
Tamilnadu Movie Theatres Get Hundred Percent Occupancy For Vijay Master Movie

లోకేష్ కనకరాజ్ దర్శకత్వంలో విజయ్ ప్రధాన పాత్రలో తెరకెక్కుతున్న సినిమా 'మాస్టర్'. తమిళంతో పాటు తెలుగులోనూ ఈ సినిమా రిలీజ్ చేయనున్నారు. జనవరి 13న ఈ సినిమా విడుదలవుతుంది. ఇప్పటికే ఈ సినిమా టీజర్, ట్రైలర్ రిలీజ్ అవ్వగా వాటికి వచ్చిన రెస్పాన్స్ తో సినిమాపై మరింత భారీ అంచనాలు పెరిగాయి.
ఇక ఇదిలా ఉండగా మాస్టర్ సినిమా ఇప్పుడు బంపర్ ఛాన్స్ కొట్టేసింది. కరోనా వల్ల ఇన్ని నెలలు థియేటర్స్ మూతపడిన సంగతి తెలిసిందే కదా. అయితే ఈ మధ్యనే అనుమతులు వచ్చాయి. ప్రజల భద్రత నేపథ్యంలో 50% ఆక్యూపెన్సీతో పర్మిషన్స్ వచ్చాయి. ఈ నేపథ్యంలోనే మాస్టర్ టీం ప్రభుత్వాన్ని ఫుల్ ఆక్యూపెన్సీ ఇవ్వాలని కోరగా... ఇప్పుడు తమిళనాడు రాష్ట్ర ప్రభుత్వం దానికి అనుమతి ఇచ్చినట్టు తెలుస్తుంది . కరోనా తగ్గుముఖం పట్టడంతో సినిమా థియేటర్లు, మల్టీప్లెక్సుల్లో ప్రేక్షకుల సీటింగ్ సామర్థ్యాన్ని 50 శాతం నుంచి 100 శాతానికి పెంచుతూ నిర్ణయం తీసుకున్నట్టు సమాచారం. ఇక దాంతో విజయ్ సినిమాకు అదిరిపోయే ఓపెనింగ్స్ రావడం ఖాయం అంటున్నారు సినీ విశ్లేషకులు.
కాగా ఈ సినిమాలో విజయ్ కు జోడీగా మాళవిక మోహనన్ నటిస్తుంది. ఎక్స్బి ఫిల్మ్ క్రియేటర్స్ సంస్థ నిర్మిస్తున్న ఈ సినిమాలో ‘మక్కల్ సెల్వన్’ విజయ్ సేతుపతి విలన్గా నటించనున్నాడు. మలయాళ నటుడు ఆంటొని, శాంతను కీలక పాత్రలు చేస్తున్నారు. అనిరుధ్ ఈ సినిమాకు సంగీతం అందిస్తున్నాడు. తమిళంతో పాటు తెలుగులోను కూడా రిలీజ్ అవుతున్న ఈ సినిమాలో విజయ్ గ్యాంగ్ స్టర్ గా .. కాలేజ్ ప్రొఫెసర్ గా రెండు విభిన్నమైన లుక్స్ తో కనిపించనున్నాడు.
వీడియోస్
00:05:23Master - Kutti Story Lyric
00:23:18Vijay Latest Telugu Movie
00:04:44


