కరోనా పై కలసి పోరాడుదాం - నాగచైతన్య
Tollywood Actor Naga Chaitanya Urges Everone To Fight Together Against Corona Virus.
కరోనా మహమ్మారి కారణంగా ప్రజలు ప్రాణాలు కోల్పోతున్న విషయం తెలిసిందే. ప్రస్తుతం రెండు తెలుగు రాష్ట్రాలలో కరోనా ఎఫెక్ట్ అధికంగా ఉంది. కరోనా వ్యాధి నుండి కోలుకున్న వారి బ్లడ్ ప్లాస్మా తో మరికొంతమంది ని ఈ వ్యాధి నుండి రక్షించవచ్చని డాక్టర్స్ చెబుతున్నారు. ప్రస్తుత కరోనా పరిస్థితులపై హీరో నాగచైతన్య స్పందించారు.
కరోనా బాధితులలో ఆత్మ స్థైర్యం నింపేందుకు హైదరాబాద్ కొవిడ్ -19 హెల్త్ అడ్వకసీ గ్రూప్ శ్రీకారం చుట్టింది. ఈ కార్యక్రమంలో దర్శకుడు శేఖర్ కమ్ముల పాల్గొన్నారు. శేఖర్ కమ్ముల హీరో నాగచైతన్య ను నామినేట్ చేశారు. హీరో నాగచైతన్య ఫేస్ బుక్ వేదికగా కరోనా వ్యాధి ని జయించిన నర్స్ సునీత తో మాట్లాడి , ఆమె అనుభవాలు తెలుసుకున్నారు. కరోనా వ్యాధి పట్ల ప్రజలలో నెలకొన్న అపోహలు తొలగాలని , కరోనా బాధితులు భయాందోళనలకు గురి కావద్దని , మనమంతా ఒక్కటై కరోనా తో పోరాడుదామని , కరోనా వ్యాధి నుండి కోలుకున్న వారు బ్లడ్ ప్లాస్మా డొనేట్ చేసి కరోనా బాధితులను కాపాడమని నాగచైతన్య ప్రజలకు పిలుపునిచ్చారు.







