“నిశ్శబ్ధం ” మూవీ “నిన్నే నిన్నే “సాంగ్ ప్రోమో రిలీజ్

కోన ఫిల్మ్ కార్పొరేషన్, పీపుల్ మీడియా ఫ్యాక్టరీ బ్యానర్స్ పై హేమంత్ మధుకర్ దర్శకత్వంలో స్టార్ హీరోయిన్ అనుష్క ప్రధాన పాత్రలో నటించిన థ్రిల్లర్ మూవీ “నిశ్శబ్ధం ” జనవరి 31 వ తేదీ రిలీజ్ కానుంది. మాధవన్, అంజలి, షాలిని పాండే, మైఖేల్ మ్యాడ్సన్, సుబ్బరాజు ముఖ్య పాత్రలలో నటించారు. గోపిసుందర్ సంగీతం అందించారు.

హాలీవుడ్ క్రాస్ ఓవర్ గా రూపొందిన “నిశ్శబ్ధం ” మూవీ లో అనుష్క మ్యూట్ ఆర్టిస్ట్ గా నటించారు. చిత్ర యూనిట్ రిలీజ్ చేసిన పోస్టర్స్ , టీజర్ ప్రేక్షకులను ఆకట్టుకున్నాయి. “నిశ్శబ్ధం ” మూవీ ప్రమోషన్స్ లో భాగంగా చిత్ర యూనిట్ ఈ రోజు ఒక సాంగ్ ప్రోమో ను రిలీజ్ చేసింది. గోపిసుందర్ స్వరకల్పనలో భాస్కరభట్ల రచన , సిద్ శ్రీరామ్ ఆలపించిన “నిన్నే నిన్నే “సాంగ్ ప్రోమో ఇంప్రెసివ్ గా ఉండి సాంగ్ పై ఆసక్తిని కలిగించింది. సియోటెల్ లో పూర్తిగా షూటింగ్ జరుపుకున్న ఫస్ట్ ఇండియన్ ఫిల్మ్ “నిశ్శబ్ధం “. ఈ మూవీ తెలుగు , తమిళ , మలయాళ , హిందీ, ఇంగ్లిష్ భాషలలో రిలీజ్ కానుంది.