ఒకే చిత్రం ముగ్గురు ప్ర‌ముఖుల `తొలి అడుగు`ల‌కు వేదిక‌గా నిల‌వ‌డం అరుదుగా జ‌రుగుతుంది. అలాంటి సినిమాల్లో `నీ కోసం` ఒక‌టి. ఆ ముగ్గురు ప్ర‌ముఖులు మ‌రెవ‌రో కాదు… మాస్ మ‌హారాజా ర‌వితేజ, స్టార్ డైరెక్ట‌ర్ శ్రీ‌ను వైట్ల, స్టార్ మ్యూజిక్ డైరెక్ట‌ర్ ఆర్పీ ప‌ట్నాయ‌క్.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
అప్ప‌టివ‌ర‌కు చిన్న చిన్న పాత్ర‌ల‌తో, క్యారెక్ట‌ర్ రోల్స్ తో, సెకండ్ హీరోగానూ ప‌లు చిత్రాలు చేసిన ర‌వితేజ‌కి `నీ కోసం` సోలో హీరోగా ఫ‌స్ట్ ఫిల్మ్ కాగా… శ్రీ‌ను వైట్ల‌కి ద‌ర్శ‌కుడిగా ఇదే మొద‌టి ప్ర‌య‌త్నం. ఇక స్వ‌ర‌క‌ర్త ఆర్పీ ప‌ట్నాయ‌క్ కి తెలుగునాట ఇదే తొలి చిత్రం.
ప‌లు మార్లు వాయిదాలు ప‌డి… ఎట్ట‌కేల‌కు 1999 డిసెంబ‌ర్ 3న విడుద‌లైన ఈ రొమాంటిక్ ఎంట‌ర్ టైన‌ర్… ఆ ముగ్గురికీ మంచి బ్రేక్ ని అందించింది. అలాగే ఐదు `నంది` పుర‌స్కారాలు (ద్వితీయ ఉత్త‌మ చిత్రం, ఉత్త‌మ న‌టి (మ‌హేశ్వ‌రి), ఉత్త‌మ నూత‌న ద‌ర్శ‌కుడు (శ్రీ‌ను వైట్ల), ఉత్త‌మ స్క్రీన్ ప్లే (శ్రీ‌ను వైట్ల), స్పెష‌ల్ జ్యూరీ (ర‌వితేజ)) సొంతం చేసుకుంది. ఇలా… ప‌లువురికి మెమ‌ర‌బుల్ ఫిల్మ్ గా నిల‌చిన `నీ కోసం`… నేటితో 20 వ‌సంతాల‌ను పూర్తిచేసుకుంటోంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
