కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

'హుషారు' డైరెక్టర్ తో విజయ్..!

'హుషారు' డైరెక్టర్ తో విజయ్..!

Vijay Deverakonda To Work With Hushaaru Movie Director

'డియర్ కామ్రేడ్' సినిమా తర్వాత విజయ్ కథల ఎంపిక విషయంలోకి చాలా జాగ్రత్తలు తీసుకుంటున్నాడు. ప్రస్తుతం క్రాంతి మాధవ్ డైరెక్షన్ లో 'వరల్డ్ ఫేమస్ లవర్' లాంటి రొమాంటిక్ లవ్ స్టోరీ లో నటిస్తున్నాడు. ప్రస్తుతం షూటింగ్ జరుపుకుంటున్న ఈ సినిమా తాజాగా ప్రమోషన్‌ కార్యక్రమాలు ప్రారంభించింది. ఇప్పటికే టైటిల్ పోస్టర్ ను, ఫస్ట్ లుక్ ను రిలీజ్ చేశారు చిత్ర యూనిట్. ఇక ఈ సినిమాను డిసెంబర్ లోనే రిలీజ్ చేయడానికి ప్లాన్ చేస్తున్నారు చిత్రయూనిట్.

ఇక ఈ సినిమా తర్వాత పూరీ జ‌గ‌న్నాథ్ డైరెక్షన్ లో `ఫైట‌ర్‌`, అలాగే ఆనంద్ అన్నామ‌లై డైరెక్ష‌న్‌లో `హీరో` కూడా విజయ్ ఖాతాలో వున్నాయి. దీనితో పాటు స‌క్సెస్ ఫుల్ డైరెక్ట‌ర్ శివ నిర్వాణ కాంబినేష‌న్ లో ఓ చిత్రం రాబోతున్న సంగ‌తి తెలిసిందే. రొమాంటిక్ ఎంట‌ర్ టైన‌ర్ గా తెర‌కెక్క‌నున్న ఈ క్రేజీ ప్రాజెక్ట్... ప్ర‌స్తుతం ప్రీ ప్రొడ‌క్ష‌న్ స్టేజ్ లో ఉంది. 2020 వేస‌వి నుంచి ఈ క్రేజీ ప్రాజెక్ట్ సెట్స్ పైకి వెళుతునట్టు తెలుస్తుంది.

ఇదిలా ఉండగా తాజాగా విజయ్ మరో డైరెక్టర్ కు గ్రీన్ సిగ్నల్ ఇచ్చినట్టు తెలుస్తుంది. ఆ డైరెక్టర్ ఎవరో కాదు.. యూత్ ను టార్గెట్ చేసుకుని తెరకెక్కించిన చిత్రం 'హుషారు' డైరెక్టర్ శ్రీహర్ష కోనుగంటి. ఇటీవలే ఓ ఇంట్రస్టింగ్ స్టోరీ లైన్ ను విజయ్ కు వినిపించాడట శ్రీహర్ష. ఫారెన్ లో పెరిగిన ఓ ఎన్నారై యువకుడు కొన్ని ప్రత్యేకమైన పరిస్దితుల్లో మారుమూల పల్లెటూరులో బతకాల్సి వస్తోందట. ఆ క్రమంలో హీరో ఎదురుకునే సమస్యలు, సంఘటనలు చుట్టు కథ తిరుగుతుందిట. విజయ్ దేవరకొండ ఈ స్టోరీ లైన్ వినగానే వెంటనే ఓకే చేసేసాడట. పూరీ తో సినిమా అయిపోయిన తర్వాత ఈ సినిమాను చేస్తారట. మరి పూరీ సినిమా తర్వాత విజయ్ శివ నిర్వాణతో చేస్తున్నాడంటున్నారు. మరి చూద్దాం ఫైనల్ గా ఏ ప్రాజెక్ట్ పట్టాలెక్కుతుందో.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్