తోడబుట్టిన చెల్లెలి సుఖం కోసం తన సర్వస్వాన్ని త్యాగం చేసే ఓ అన్నయ్య కథే ‘రక్తసంబంధం’ చిత్రం. అన్నాచెల్లెళ్ళ ప్రేమకు అపు`రూప`కల్పనగా రూపొందిన ఈ చిత్రరాజంలో అన్నయ్యగా మహానటుడు యన్.టి.రామారావు, చెల్లెలుగా మహానటి సావిత్రి ఆ యా పాత్రలకు ప్రాణప్రతిష్ఠ చేశారు. తమిళ చిత్రం ‘పాశమలర్’(1961)కి రీమేక్గా దిగ్గజ దర్శకులు వి.మధుసూదనరావు తెరకెక్కించిన ఈ చిత్రంలో కాంతారావు, దేవిక, రేలంగి, రమణారెడ్డి, గిరిజ, సూర్యకాంతం తదితరులు ముఖ్య భూమికలు పోషించారు. ఈ చిత్రాన్ని రాజలక్ష్మి ప్రొడక్షన్స్ పతాకంపై డూండీ, సుందర్లాల్ నెహెతా సంయుక్తంగా నిర్మించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
సి.నారాయణరెడ్డి, దాశరథి, కొసరాజు, ఆరుద్ర, అనిశెట్టి సుబ్బారావు గీత రచన చేయగా… దిగ్గజ స్వరకర్త, గాయకులు ఘంటసాల వీనులవిందైన బాణీలు అందించారు. ముఖ్యంగా “చందురుని మించు అందమొలికించు”, “బంగారు బొమ్మ రావేమి” పాటలు బాగా ప్రాచుర్యం పొందాయి. వీటితో పాటు “మంచిరోజు వస్తుంది”, “ఎవరో నన్ను కవ్వించి”, “ఆకాశమేలే అందాల రాజే”, “ఓహో వయ్యారి వదిన”, “అల్లారు ముద్దుగా”, “ఇదే రక్తసంబంధం” వంటి గీతాలు కూడా ప్రేక్షకులను అలరించాయి. 1962 నవంబర్ 1న విడుదలై ఘనవిజయం సాధించిన ‘రక్తసంబంధం’… నేటితో 57 వసంతాలను పూర్తి చేసుకుంటోంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: