య‌న్టీఆర్ ‘అగ్గివీరుడు’ కు 50 ఏళ్ళు

మహానటుడు యన్.టి.రామారావు, “జానపద బ్రహ్మ” బి.విఠలాచార్యది సక్సెస్‌ఫుల్ కాంబినేషన్. వీరిద్ద‌రి కలయికలో ప‌లు జానపద చిత్రాలు తెరకెక్కగా… వాటిలో సింహభాగం విజయం సాధించినవే కావడం విశేషం. బి. విఠ‌లాచార్య ద‌ర్శ‌క‌త్వంలోనే కాదు.. అయన నిర్మాణంలోనూ య‌న్టీఆర్ కొన్ని జాన‌ప‌ద చిత్రాలు చేశారు. వాటిలో ‘అగ్గివీరుడు’ ఒక‌టి. శ్రీ విఠ‌ల్ కంబైన్స్ పతాకంపై బి.విఠలాచార్య నిర్మించిన ఈ సినిమాకి బి.వి.శ్రీనివాస్ దర్శకత్వం వహించారు.

య‌న్టీఆర్‌ కు జోడీగా రాజశ్రీ నటించిన ఈ చిత్రంలో రామకృష్ణ, సత్యనారాయణ, మిక్కిలినేని, ముక్కామల, రావికొండలరావు, త్యాగ‌రాజు, మీనాకుమారి, విజయలలిత తదితరులు ఇతర ముఖ్య భూమికలను పోషించారు. సి.నారాయణరెడ్డి, కొసరాజు గీత రచన చేయగా… విజయ కృష్ణమూర్తి స్వ‌ర‌క‌ల్ప‌న చేశారు. “లేడి కన్నులు రమ్మంటే”, “ఎవరో నీవెవరో”, “పిలిచింది అందాల”, “కాకి ముక్కుకి దొండపండు”, “ఆలాంటి దాన్ని”, “సరిసరి మగసిరి” వంటి పాటలు ప్రేక్షకులను అలరించాయి. 1969 అక్టోబర్ 17న విడుదలైన ‘అగ్గివీరుడు’… నేటితో 50 వసంతాలను పూర్తి చేసుకుంటోంది.