“నిజమైన ప్రేమ… ప్రేమించేవారి సంతోషాన్ని కోరుకుంటుంది. వారి కోసం ఏమైనా చేసేలా ప్రేరేపిస్తుంది”… ఇలా ఆలోచించే ఓ పాత్ర చుట్టూ తిరిగే కథతో రూపొందిన సినిమా ‘శ్రీనివాస కళ్యాణం’. విక్టరీ వెంకటేష్ కెరీర్లో ఏడో చిత్రంగా విడుదలై మంచి విజయం సాధించిన ఈ ముక్కోణపు ప్రేమకథలో భానుప్రియ, గౌతమి కథానాయికలుగా నటించారు. ముఖ్యంగా… తను ప్రేమించిన బావ (వెంకటేష్) కోసం ఏమైనా చేసే సరోజ అలియాస్ స్వప్న పాత్రలో గౌతమి అభినయం ఈ సినిమాకి ప్రధాన ఆకర్షణగా నిలచింది. కోడి రామకృష్ణ దర్శకత్వం వహించిన ఈ చిత్రంలో మోహన్బాబు, గొల్లపూడి మారుతీరావు, సుత్తి వేలు, ‘శుభలేఖ’ సుధాకర్, వంకాయల సత్యనారాయణ, వరలక్ష్మి, శ్రీలక్ష్మి, వై.విజయ తదితరులు ఇతర ముఖ్య భూమికలు పోషించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
యువ చిత్ర ఆర్ట్స్ పతాకంపై పలు మ్యూజికల్ బ్లాక్ బస్టర్ మూవీస్ను నిర్మించిన నిర్మాత కాట్రగడ్డ మురారి… ఈ చిత్రాన్ని నిర్మించారు. వేటూరి సుందరరామమూర్తి, ‘సిరివెన్నెల’ సీతారామశాస్త్రి, జొన్నవిత్తుల రామలింగేశ్వరరావు గీత రచన చేయగా… దిగ్గజ స్వరకర్త కె.వి.మహదేవన్ బాణీలు అందించారు. ఇందులోని పాటలన్నీ విశేషాదరణ పొందాయి. ముఖ్యంగా ‘తుమ్మెద ఓ తుమ్మెద’, ‘ఎందాకా ఎగిరేవమ్మా గోరింకా` గీతాలు ఎవర్గ్రీన్గా నిలిచాయి. 1987 సెప్టెంబర్ 25న విడుదలైన ‘శ్రీనివాస కళ్యాణం’.. నేటితో 32 వసంతాలను పూర్తిచేసుకుంటోంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: