అఖిల్ కి జోడిగా ‘ఇస్మార్ట్’ బ్యూటీ?

‘నన్ను దోచుకుందువటే’ చిత్రంతో తెలుగు తెరకు కథానాయికగా పరిచయమైంది నభా నటేష్. అయితే… రామ్ హీరోగా నటించిన ‘ఇస్మార్ట్ శంకర్’తోనే ఈ టాలెంటెడ్ బ్యూటీ తొలి విజయాన్ని అందుకుంది. ప్రస్తుతం నభా… మాస్ మహారాజా రవితేజకి జోడిగా ‘డిస్కో రాజా’లో నటిస్తోంది. చిత్రీకరణ దశలో ఉన్న ఈ క్రేజీ ప్రాజెక్ట్… డిసెంబర్ 20న ప్రేక్షకుల ముందుకు రానుంది.

ఈలోపే ఈ టాలెంటెడ్ బ్యూటీకి మరో ఇంట్రెస్టింగ్ ప్రాజెక్ట్ లో నటించే అవకాశం దక్కిందని సమాచారం. ఆ వివరాల్లోకి వెళితే… అఖిల్ కథానాయకుడిగా ‘బొమ్మరిల్లు’ భాస్కర్ దర్శకత్వంలో ఓ ఫ్యామిలీ ఎంటర్ టైనర్ తెరకెక్కుతున్న సంగతి తెలిసిందే. ఇందులో కథానాయికగా నటించే ఛాన్స్ నభా నటేష్ కి దక్కిందని తెలిసింది. త్వరలోనే నభా నటేష్ ఎంట్రీపై అధికారిక ప్రకటన వచ్చే అవకాశం ఉంది.