ఒక‌వైపు రొమాంటిక్, యాక్షన్ మూవీస్‌తో యువతను ఆకట్టుకుంటూనే… మరోవైపు ఫ్యామిలీ ఓరియెంటెడ్ స‌బ్జెక్ట్స్‌తో కుటుంబ ప్రేక్షకులను కూడా అలరిస్తున్నాడు యువ సామ్రాట్ అక్కినేని నాగ చైతన్య. ‘ఏమాయ చేసావె’, `ప్రేమ‌మ్‌` లాంటి లవ్ స్టోరీస్ తోనూ.. ‘తడాఖా’ లాంటి యాక్షన్ మూవీస్ తోనూ… ‘100% లవ్’ లాంటి రొమాంటిక్ ఎంటర్‌టైనర్స్ తోనూ.. ‘మజిలీ’, `రారండోయ్ వేడుక చూద్దాం` లాంటి కుటుంబ కథా చిత్రాల‌తోనూ… `మ‌నం`లాంటి వైవిధ్య‌భ‌రిత‌మైన చిత్రాల‌తోనూ… అన్ని వ‌ర్గాల ప్రేక్ష‌కుల‌కు చేరువైన వైనం ఈ అక్కినేని వారి మూడో త‌రం క‌థానాయ‌కుడి సొంతం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
అలాంటి చైతూ చిత్ర‌యాత్ర‌లో తొలి అడుగు… ‘జోష్’(2009). తండ్రి నాగార్జున కెరీర్‌ని మేలి మ‌లుపు తిప్పిన ‘శివ’ (1989) స్ఫూర్తితో తెర‌కెక్కిన ఈ యాక్షన్ ఎంటర్‌టైనర్‌తో… మొద‌టి ప్ర‌య‌త్నంలోనే న‌టుడిగా మంచి మార్కులు సంపాదించుకున్నాడు చైతూ. టాలీవుడ్ సక్సెస్‌ఫుల్ ప్రొడ్యూసర్ ‘దిల్’ రాజు నిర్మించిన ఈ చిత్రంతో ఒక‌నాటి అందాల తార రాధ పెద్ద కుమార్తె కార్తీక నాయిక‌గా ప‌రిచ‌యం కాగా… వాసు వర్మ ద‌ర్శ‌కుడిగా తొలి అడుగులు వేశాడు. 2009 సెప్టెంబర్ 5న విడుద‌లైన `జోష్`… నేటితో ప‌ది వ‌సంతాలు పూర్తిచేసుకుంటోంది. అంటే… క‌థానాయ‌కుడిగా చైతు కెరీర్ మొదలై నేటితో ద‌శాబ్ద‌కాలం పూర్త‌వుతోందన్నమాట. ఈ సంద‌ర్భంగా… మున్ముందు చైతూ మ‌రిన్ని వైవిధ్య‌భ‌రిత‌మైన పాత్ర‌ల‌తో ముందుకు సాగాల‌ని ఆకాంక్షిద్దాం.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
