సెప్టెంబర్ 2019… దక్షిణాది అనువాద చిత్రాల సందడి

2019 సెప్టెంబర్‌లో… వ‌రుస‌గా మూడు వారాల పాటు దక్షిణాది అనువాద చిత్రాలు థియేటర్లలో సందడి చేయడానికి సిద్ధపడుతున్నాయి.

ఆ చిత్రాల వివరాల్లోకి వెళితే… తమిళనాట విజయం సాధించిన ‘తారామణి’ (అంజలి, ఆండ్రియా ప్రధాన పాత్రధారులు)… అదే పేరుతో సెప్టెంబర్ 6న అనువాద రూపంలో విడుదల కానుంది. ఇక అదే రోజున జీవా, నయనతార జంటగా నటించిన తమిళ అనువాద చిత్రం ‘వీడే సరైనోడు’ కూడా ప్రేక్షకుల ముందుకు రానుంది.

ఇక సెప్టెంబర్ రెండో వారంలో అంటే సెప్టెంబర్ 12న కన్నడ అనువాద చిత్రం ‘ పహిల్వాన్’ (సుదీప్, ఆకాంక్ష సింగ్, సునీల్ శెట్టి ప్రధాన పాత్రధారులు) రిలీజ్ కానుంది.

అలాగే సెప్టెంబర్ మూడో వారంలో (సెప్టెంబర్ 20న) సూర్య, మోహన్ లాల్, ఆర్య, సాయేషా ముఖ్య పాత్రల్లో నటించిన తమిళ అనువాద చిత్రం ‘బందోబస్త్’ విడుదల కానుంది.

మరి… వరుసగా మూడు వారాల పాటు రానున్న ఈ దక్షిణాది అనువాద చిత్రాలలో వేటికి ప్రజాదరణ దక్కుతుందో చూడాలి.