ఆగస్టు 9… కేరాఫ్ బ్లాక్‌బ‌స్ట‌ర్ హిట్స్‌

ఆగస్టు 9కి, తెలుగు చిత్ర ప‌రిశ్ర‌మ‌కి మంచి అనుబంధ‌మే ఉంది. ఎందుకంటే… గ‌తంలో ఇదే తేదిన వేర్వేరు సంవ‌త్స‌రాల్లో విడుద‌లైన ప‌లు చిత్రాలు ఘ‌న‌విజ‌యం సాధించాయి.

ఆ వివ‌రాల్లోకి వెళితే… మ‌హాన‌టుడు యన్టీఆర్ క‌థానాయ‌కుడిగా తెర‌కెక్కిన ‘జగదేకవీరుని కథ’(1961) ఇదే తేదిన విడుద‌లై ఘ‌న‌విజ‌యం సాధించింది. అలాగే యన్టీఆర్, సూపర్ స్టార్ కృష్ణ క‌ల‌సి న‌టించిన మ‌ల్టీస్టార‌ర్ మూవీ ‘దేవుడు చేసిన మనుషులు’(1973) కూడా ఇదే రోజున విడుద‌లై బ్లాక్‌బ‌స్ట‌ర్ మూవీగా నిల‌చింది.

ఇక మెగాస్టార్ చిరంజీవి క‌థానాయ‌కుడిగా రూపొందిన‌ ‘ఛాలెంజ్’(1984) కూడా ఇదే ఆగ‌స్టు 9న రిలీజై మ్యూజిక‌ల్ బ్లాక్‌బ‌స్ట‌ర్‌గా నిల‌చింది. అలాగే చిరు క‌థానాయ‌కుడిగా న‌టించిన మ‌రో చిత్రం ‘కొదమ సింహం’(1990) కూడా ఇదే తేదిన విడుద‌లై మ్యూజిక‌ల్ హిట్ అనిపించుకుంది.

అదేవిధంగా సిద్ధార్థ, జెనీలియా జంటగా రూపొందిన‌ ‘బొమ్మరిల్లు’(2006) కూడా ఇదే తేదిన రిలీజై ఘ‌న‌విజ‌యం సాధించింది. ఇక ఇదే రోజున‌ స్టైలిష్ స్టార్ అల్లు అర్జున్ హీరోగా తెర‌కెక్కిన‌ ‘జులాయి’(2012) విడుద‌లై బ్లాక్‌బ‌స్ట‌ర్‌గా నిల‌చింది.

మ‌రి… ఇలాంటి నేప‌థ్యం ఉన్న ఆగ‌స్టు 9న ప్రేక్ష‌కుల ముందుకొస్తున్న నాగార్జున‌ `మ‌న్మ‌థుడు 2` కూడా అదే బాట ప‌డుతుందేమో చూద్దాం.