త‌క్కువ గ్యాప్‌లో మూడు చిత్రాల‌తో విజ‌య్ దేవ‌ర‌కొండ‌?

తాజాగా `డియ‌ర్ కామ్రేడ్‌`తో ప‌ల‌క‌రించిన యువ క‌థానాయ‌కుడు విజ‌య్ దేవ‌ర‌కొండ‌… త‌క్కువ గ్యాప్‌లో మూడు చిత్రాల‌తో సంద‌డి చేసే దిశ‌గా అడుగులు వేస్తున్నాడ‌ని స‌మాచారం.

ఆ వివ‌రాల్లోకి వెళ్తే… ప్రస్తుతం విజయ్ … క్రాంతి మాధ‌వ్ ద‌ర్శ‌క‌త్వంలో రూపొందుతున్న‌ ‘బ్రేకప్’ (ప్రచారంలో ఉన్న పేరు), మ‌ల్టీలింగ్వ‌ల్ మూవీ ‘హీరో’ చేస్తున్న‌ సంగ‌తి తెలిసిందే. వీటిలో క్రాంతి మాధ‌వ్ కాంబినేష‌న్ మూవీ ఏడాది చివ‌ర‌లో తెర‌పైకి రానుంద‌ని టాక్‌. ఇక మ‌ల్టీలింగ్వల్ మూవీ `హీరో` ఫిబ్ర‌వ‌రి క‌ల్లా చిత్రీక‌ర‌ణ పూర్తిచేసుకుంటుంద‌ని తెలుస్తోంది. ఇక‌ ఆ త‌రువాత `ఇస్మార్ట్‌` డైరెక్ట‌ర్ పూరీ జ‌గ‌న్నాథ్ కాంబినేష‌న్‌లో విజ‌య్ ఓ సినిమా చేస్తాడ‌ని స‌మాచారం. అంతేకాదు ఈ చిత్రాన్ని కేవ‌లం మూడు నెలల్లోనే పూర్తి చేసి 2020 సమ్మర్‌కు విడుద‌ల చేస్తార‌ని వినిపిస్తోంది. కాగా… పూరి – విజ‌య్ కాంబినేష‌న్ మూవీపై మ‌రి కొద్ది రోజుల్లో అధికారిక ప్ర‌క‌ట‌న వ‌చ్చే అవ‌కాశ‌ముంది. త‌క్కువ గ్యాప్‌లో మూడు చిత్రాల‌తో సంద‌డి చేయ‌నున్న విజ‌య్… వ‌రుస విజ‌యాలు అందుకోవాలని ఆకాంక్షిద్దాం.

[subscribe]

[youtube_video videoid=H5pS5QLuTYI]