క‌లెక్ష‌న్ కింగ్‌ డా.ఎం.మోహన్‌బాబు నట వారసుడిగా తెలుగు తెరకు క‌థానాయ‌కుడిగా ప‌రిచ‌య‌మ‌య్యాడు మంచు మనోజ్ కుమార్. బాల‌న‌టుడిగా `మేజ‌ర్ చంద్ర‌కాంత్‌`, `అడ‌విలో అన్న` వంటి విజయవంతమైన చిత్రాల్లో నటించి తండ్రికి తగ్గ త‌న‌యుడిగా గుర్తింపు తెచ్చుకున్న మనోజ్… అనంత‌రం క‌థానాయ‌కుడిగానూ ప్రేక్ష‌కుల‌ను అల‌రించాడు. కామెడీ, యాక్షన్, సెంటిమెంట్… ఇలా జానర్ ఏదైనా తనదైన నటనతో ఆడియన్స్‌ను ఆకట్టుకునే ఈ మంచు వారబ్బాయి… ఇప్పటి వరకు 17 సినిమాల్లో హీరోగా న‌టించాడు. వీటిలో `నేను మీకు తెలుసా?`, `ప్ర‌యాణం`, `బిందాస్‌`, `వేదం`, `ఝుమ్మంది నాదం` వంటి చిత్రాలు మంచి గుర్తింపును తీసుకువ‌చ్చాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇదిలా ఉంటే… స‌రిగ్గా 15 ఏళ్ళ క్రితం ఇదే రోజున అంటే 2004 ఆగస్టు 6న `దొంగ దొంగది`తో క‌థానాయ‌కుడిగా తొలి అడుగులు వేశాడు మనోజ్. తమిళంలో ఘన విజయం సాధించిన ‘తిరుడా తిరుడి’(ధ‌నుష్ హీరో)కి రీమేక్‌గా రూపొందిన ఈ చిత్రంలో… యాక్టింగ్‌ స్కోప్ ఉన్న వాసు పాత్రలో నటించి ప్రేక్షకుల మన్ననలను పొందాడు మనోజ్. మాతృకకు దర్శకత్వం వహించిన సుబ్రహ్మణ్యం శివ ఈ రీమేక్‌కు కూడా దర్శకత్వం వహించాడు. సదా కథానాయికగా నటించిన ఈ రొమాంటిక్ కామెడీ ఎంటర్‌టైనర్‌లో… సునీల్, రాజీవ్ కనకాల ముఖ్య భూమిక‌లు పోషించారు.
నేటితో 15 ఏళ్ళ సినీ ప్రయాణాన్ని పూర్తిచేసుకుంటున్న మంచు మనోజ్… భవిష్యత్తులో మ‌రిన్ని ఆస‌క్తిక‌ర‌మైన చిత్రాల్లో న‌టిస్తూ కెరీర్‌లో ఉన్న‌త శిఖ‌రాల‌కు చేరుకోవాల‌ని ఆకాంక్షిద్దాం.
[youtube_video videoid=DBbxU6R_XQQ]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
