ఆగ‌స్టులో మ‌రో రెండు చిత్రాల‌తో బేబీ సంద‌డి

విల‌క్ష‌ణ పాత్ర‌ల‌కు చిరునామాగా నిల‌చిన న‌టి ల‌క్ష్మి. క‌థానాయిక‌గానే కాదు గుణ‌చిత్ర న‌టి (క్యారెక్ట‌ర్ ఆర్టిస్ట్‌)గానూ త‌న‌దైన ముద్ర వేసింది ఈ టాలెంటెడ్ యాక్ట్ర‌స్. తెలుగు, త‌మిళ‌, మ‌ల‌యాళ, క‌న్న‌డ‌, హిందీ భాష‌ల్లో రాణించిన ల‌క్ష్మి… స్వ‌ల్ప విరామం త‌రువాత `ఓ బేబీ`తో టాలీవుడ్‌లో రీ-ఎంట్రీ ఇచ్చింది. టైటిల్ రోల్‌లో త‌న మార్క్ న‌ట‌న‌తో మ‌రోమారు మెప్పించింది. అంతేకాదు, వ‌చ్చే నెల‌లో రానున్న మ‌రో రెండు ఆస‌క్తిక‌ర‌మైన చిత్రాల్లోనూ సంద‌డి చేయ‌నుంది ల‌క్ష్మి. ఆ చిత్రాలే `మ‌న్మ‌థుడు 2`, `గ్యాంగ్ లీడ‌ర్‌`. ఆగ‌స్టు 9న విడుద‌ల కానున్న `మ‌న్మ‌థుడు 2`లో కింగ్ నాగార్జున‌కి అమ్మ‌గా క‌నిపించ‌నున్న‌ ల‌క్ష్మి… ఆగ‌స్టు 30న రిలీజ్ కానున్న నాని `గ్యాంగ్ లీడ‌ర్‌`లో బామ్మ‌గా ద‌ర్శ‌న‌మివ్వ‌నుంది. మ‌రి… ఒకే నెల‌లో రాబోతున్న ఈ రెండు సినిమాల్లోనూ… `ఓ బేబీ` త‌ర‌హాలోనే ల‌క్ష్మి ప‌సందైన వినోదాల‌తో అల‌రిస్తుందేమో చూడాలి.

[subscribe]

[youtube_video videoid=s3K_QDDrNyg]