అగ్ర కథానాయకుడు డా.రాజశేఖర్కు కలిసొచ్చిన దర్శకుల్లో కోడి రామకృష్ణ ఒకరు. ఈ ఇద్దరి కలయికలో పలు విజయవంతమైన చిత్రాలు తెరకెక్కాయి. వాటిలో ‘అంకుశం’ ఒకటి. రాజశేఖర్ కెరీర్ని కీలక మలుపు తిప్పిన ఈ యాక్షన్ ఎంటర్టైనర్లో… ఆయన నిజజీవిత భాగస్వామి అయిన జీవిత కథానాయికగా నటించింది. సీనియర్ ప్రొడ్యూసర్ ఎం.ఎస్.రెడ్డి కీలకపాత్ర పోషించగా… ప్రతినాయకుడిగా రామిరెడ్డి నటించాడు. నటుడిగా రామిరెడ్డికి ఇదే తొలి చిత్రం కావడం విశేషం. అప్పట్లో సెన్సేషన్ క్రియేట్ చేసిన ఈ చిత్రంతోనే రాజశేఖర్ టాలీవుడ్ `యాంగ్రీ యంగ్ మ్యాన్`గా పేరు తెచ్చుకున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
సత్యం సంగీత సారథ్యంలో రూపొందిన పాటలన్నీ సందర్భోచితంగా సాగే గీతాలే. ముఖ్యంగా “ఇది చెరగని ప్రేమకు శ్రీకారం” అనే పాట ఇప్పటికీ వినిపిస్తూనే ఉంటుంది. ఈ చిత్రాన్ని హిందీలో ‘ప్రతిబంద్’ పేరుతో రీమేక్ చేయగా… ఆ సినిమాతోనే మెగాస్టార్ చిరంజీవి బాలీవుడ్ ఎంట్రీ ఇవ్వడం విశేషం. అలాగే… కన్నడంలో రవిచంద్రన్ హీరోగా ‘అభిమన్యు’ పేరుతో ఈ సినిమాని రీమేక్ చేసారు. ఈ రెండు భాషల్లోనూ రవిరాజా పినిశెట్టి దర్శకత్వం వహించగా… రెండు చోట్లా విజయం సాధించిందీ చిత్రం. అంతేకాదు… హిందీ, కన్నడ వెర్షన్స్లోనూ రామిరెడ్డి నటించడం మరో విశేషం. ఎం.ఎస్.ఆర్ట్ మూవీస్ యూనిట్ పతాకంపై ఎం.శ్యామ్ ప్రసాద్ రెడ్డి నిర్మించిన `అంకుశం`… 1989 జూలై 13న విడుదలై ఘన విజయం సాధించింది. నేటితో ఈ సినిమా 30 వసంతాలను పూర్తి చేసుకుంటోంది.
[youtube_video videoid=ZjLnC6IaZL4]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: