ఉదయ్ రహస్యాలూ తెలుసు కానీ బయోపిక్ తీయను

ప్రస్తుతం ఎక్కడ చూసినా బయోపిక్ ల హవా నడుస్తున్న నేపథ్యంలో.. ఎవరో ఒక సెలబ్రిటీ పేరుతో వాళ్ల బయోపిక్ కూడా తెరకెక్కబోతున్నట్టు వార్తలు వస్తూనే ఉన్నాయి. ఇక ఇప్పటికే టాలీవుడ్ లో ఎంతో మంది బయోపిక్ లు తెరకెక్కించారు. ఇంకా కొంత మంది బయోపిక్ లు కూడా రూపొందుతున్నాయి. ఇదిలా ఉండగా.. ఇటీవల ఎన్నో హిట్ సినిమాలు తీసి.. దివికేగిన ఉదయకిరణ్ బయోపిక్ కూడా తెరకెక్కిస్తున్నట్టు వార్తలు వచ్చాయి. అది కూడా ఉదయ్ కిరణ్ ను స్టార్ హీరోగా నిలబెట్టిన తేజ దర్శకత్వంలో.

తేజ -ఉదయ్ కిరణ్ కాంబినేషన్ లో వచ్చిన చిత్రం, నువ్వునేను సినిమాలు మంచి విజయం సాధించాయి. ఇలా ఉదయ్‌-తేజల కాంబినేషన్‌ హిట్‌ అనిపించుకుంది. కేవలం సినిమాల పరంగానే కాదు.. వ్యక్తిగత జీవితంలో కూడా వీరిద్దరికీ మంచి సన్నిహిత సంబంధం ఉంది. దీంతో ఉదయ్ కిరణ్ బయోపిక్ ను తేజ తీయనున్నాడంటూ గాసిప్స్ మొదలయ్యాయి.

ఇక ఈ వార్తలపై స్పందించిన తేజ వాటిని ఖండిస్తూ క్లారిటీ ఇచ్చాడు. వ్యక్తిగత జీవితానికి సంబంధించి విషయాలన్నీ ఉదయ్‌ నాతో పంచుకునేవాడు. అతని రహస్యాలూ నాకు తెలుసు. అయినప్పటికీ అతని జీవితం ఆధారంగా నేను సినిమా తీయను. ఎందుకంటే వాటితో నేను డబ్బు సంపాదించాలని అనుకోవడం లేదు’ అని స్పష్టం చేశాడు. మరి ఇప్పటికైనా ఈ రూమర్లకు బ్రేక్ పడుతుందేమో చూద్దాం..