అర్జునుడి పాత్రలో సోనూసూద్

KCN మూవీస్ బ్యానర్ పై నాగన్న దర్శకత్వంలో రవిచంద్రన్ కృష్ణుడు, దర్శన్ దుర్యోధనుడు, అర్జున్ కర్ణుడు, సోనూసూద్ అర్జునుడు గా కన్నడ భాషలో భారీ బడ్జెట్, తారాగణం తో రూపొందిన కురుక్షేత్ర మూవీ కన్నడ, తెలుగు, తమిళ , హిందీ భాషలలో ఆగస్ట్ 9వ తేదీ రిలీజ్ కానుంది. మహాభారతం లోని యుద్ధ పర్వం నేపథ్యంలో కురుక్షేత్ర మూవీ రూపొందింది. హైదరాబాద్ లోని రామోజీ ఫిలిం సిటీ లో 200రోజుల పాటు చిత్రీకరణ జరుపుకున్న కురుక్షేత్ర మూవీ ప్రస్తుతం పోస్ట్ ప్రొడక్షన్ వర్క్ జరుపుకొంటుంది.

కురుక్షేత్ర మూవీ లో అర్జునుడు గా నటించిన సోనూసూద్ ఆ మూవీ గురించి మాట్లాడుతూ .. అర్జునుడు గా నటిస్తానని ఎప్పుడూ ఊహించలేదని, తాను షూటింగ్ లో పాల్గొన్నప్పుడు లొకేషన్ అంతా గ్రాండ్ గా ఉందని, రామోజీ ఫిల్మ్ సిటీ ప్యాలెస్ లు , పోరాట ప్రదేశాలు, రథాలు, ఏనుగులు, గుర్రాలతో నిండిపోయిందని రోజూ 600 మంది పనిచేసేవారని, స్టూడియో అంతా వార్ జోన్ తలపించేదని అన్నారు. ఆ రోజుల్లో బరువైన కిరీటం, ఆభరణాలు, ఆయుధాలు ఎలా ధరించేవారో అని ఆశ్చర్యంగా ఉందని, తాను షూటింగ్ లో పాల్గొన్నప్పుడు 300 నుండి 400 మంది తనవెంటే ఆయుధాలతో ఉండేవారని అది మరచిపోలేనని సోనూసూద్ అన్నారు.

[subscribe]

[youtube_video videoid=ipKKwX4qyLU]