వాల్మీకి వివాదంపై హరీష్…రాముడు కూడా ఫైటింగ్ చేశాడు

హరీష్ శంకర్ దర్శకత్వంలో తమిళ్ సూపర్ హిట్ మూవీ జిగర్తాండ రీమేక్ వాల్మీకి తెరకెక్కుతున్న సంగతి తెలిసిందే. మెుదటి సారి ఈసినిమాలో వరుణ్ తేజ్ గ్యాంగ్ స్టర్ గా నెగెటివ్ షేడ్ లో కనిపిస్తున్నాడు. ఇటీవలే ఈసినిమాలో వరుణ్ తేజ్ లుక్ ను రిలీజ్ చేయగా చాలా మంచి రెస్పాన్స్ వచ్చింది. లుక్కే ఇలా ఉంటే సినిమాలో వరుణ్ యాక్టింగ్ ఎలా ఉంటుందో అని అనుకున్నారు అందరూ. ఇక కర్నూల్ లో షూటింగ్ పూర్తి చేసుకున్న ఈసినిమా ఆ తరువాత ఆ తరువాత అనంతపురంలో చిత్రీకరణ జరుపుకుంటుండగా వివాదం తలెత్తిన సంగతి తెలిసిందే.

గతంలో ‘డీజే’లో బ్రాహ్మణులను కించపరిచేలా సన్నివేశాలు చిత్రీకరించారంటూ అప్పట్లో బ్రాహ్మణ సంఘాలు నిరసన వ్యక్తం చేశాయి. ఈ ఇష్యూపై అప్పట్లో పెద్ద దుమారమే నడిచింది. అన్ని అడ్డంకులను దాటుకుని హరీష్ శంకర్ ‘డీజే’ చిత్రంతో విజయాన్ని అందుకున్నారు. ఇక ఇప్పుడు ఈ సినిమాకు గాను.. వాల్మీకి కులానికి చెందిన కొంతమంది వ్యక్తులు ఈ సినిమాకు వాల్మీకి టైటిల్ పెట్టడంపై అభ్యంతరం వ్యక్తం చేస్తున్నారు. ‘వాల్మీకి’ అనే గొప్ప వ్య‌క్తి పేరును హింసాత్మ‌క సినిమాకు ఎలా వాడుకుంటున్నారంటూ ఇది తమ మనోభావాలను దెబ్బతీయడమే అంటూ వాల్మీకి కులస్తులు నిరసన తెలుపుతున్నారు.

ఇక తాజాగా ఈ ఇష్యూపై తమ ట్విట్టర్ ద్వారా స్పందించాడు హరీష్ శంకర్. వాల్మీకి పూజించిన రాముడు కూడా ధర్మ కోసం ఫైటింగ్ చేశాడని.. ఏది ఏమైనా వాల్మీకి కమ్యూనిటీని మేము గౌరవిస్తామని తెలిపాడు. మరి ఈ టైటిల్ మార్చుతాడో.. మార్చడో అన్న విషయం తెలియాలంటే మాత్రం కొద్ది రోజులు వెయిట్ చేయాల్సిందే.

Valmiki poojinchina Ramudu Kooda Dharmam Kosam fighting chesadu…. anyways we will respect and consider the concerns of #Valmiki Community pic.twitter.com/mSGx38JqgY

— Harish Shankar .S (@harish2you) July 5, 2019