హైదరాబాద్ లో గోపిచంద్ ‘చాణక్య’

తమిళ డైరెక్టర్ తిరు సుబ్రహ్మణ్యమ్ దర్శకత్వంలో యాక్షన్ హీరో గోపీచంద్ ప్రధాన పాత్రలో ‘చాణక్య’ సినిమా తెరకెక్కుతున్న సంగతి తెలిసిందే. ప్రస్తుతం ఈ సినిమా షూటింగ్ ను జరుపుకుంటుంది. గతంలో ఇండో పాక్ బోర్డర్ లో షూటింగ్ జరుపుకున్న ఈ సినిమా.. ఇప్పుడు హైదరాబాద్ లో షూటింగ్ జరుపుకుంటుంది. తాజాగా ఈ సినిమా నెక్ట్స్‌ షెడ్యూల్ కూడా స్టార్ట్ చేశారు. ఈ చిత్రం ప్ర‌స్తుతం హైద‌రాబాద్‌ లో శరవేగంగా చిత్రీక‌ర‌ణ జ‌రుపుకుంటుంది.

రీసెంట్‌గా గోపీచంద్ పుట్టిన‌రోజు సంద‌ర్భంగా ఈ సినిమా ఫ‌స్ట్ లుక్ పోస్టర్‌ను విడుద‌ల చేసిన సంగ‌తి తెలిసిందే. ఈ పోస్ట‌ర్‌కు మంచి రెస్పాన్స్ వ‌చ్చింది. ఇప్పుడు గోపీచంద్ గడ్డంతో మరో లుక్ ను రిలీజ్ చేశారు. మ్యాచో లుక్‌ తో ఉన్న గోపిచంద్ లుక్ ఆకట్టుకుంటుంది.

ఇక ఈ సినిమాలో గోపీచంద్ సరసన మెహ్రీన్ కౌర్ మరియు బాలీవుడ్ బ్యూటీ జరీన్ ఖాన్ హీరోయిన్లుగా నటిస్తున్నారు. ఈ ఏడాది చివరిలో ఈ సినిమాను విడుదల చెయ్యాలని దర్శకనిర్మాతలు సన్నాహాలు చేస్తున్నారు. ఎ.కె.ఎంట‌ర్‌టైన్‌మెంట్స్ బ్యాన‌ర్‌పై రామ‌బ్ర‌హ్మం సుంక‌ర ఈ చిత్రాన్ని నిర్మిస్తున్నారు. విశాల్ చంద్ర‌శేఖ‌ర్ సంగీతం అందిస్తోన్న ఈ చిత్రానికి వెట్రి సినిమాటోగ్ర‌ఫీ అందిస్తున్నారు. మరి సరైన హిట్ కోసం ఎదురుచూస్తున్న గోపిచంద్ కు ఈసినిమా ఎంత వరకూ సక్సెస్ అందిస్తుందో చూద్దాం..

[subscribe]

[youtube_video videoid=9jOVc1hBOEE]