టాలీవుడ్‌లో మోస్ట్‌ సక్సెస్‌ఫుల్ ప్రొడ్యూసర్ అనిపించుకున్న ‘దిల్’ రాజు… ఎప్పటినుంచో బాలీవుడ్‌లోనూ తనదైన ముద్ర వేయాలని ప్ర‌య‌త్నిస్తూనే ఉన్నారు. అయితే… మంచి అవకాశం కోసం ఎదురుచూస్తున్న ఈ సక్సెస్‌ఫుల్ ప్రొడ్యూసర్‌కు… ‘భారతీయుడు’ సీక్వెల్‌ ‘భారతీయుడు 2’ని తెలుగు, త‌మిళంతో పాటు హిందీలో కూడా నిర్మించే అవకాశం దక్కినా… కొన్ని కారణాల వల్ల అది వర్కవుట్ కాలేదు. ఈ నేప‌థ్యంలో… త‌నే నిర్మించిన బ్లాక్ బ‌స్ట‌ర్ మూవీ ‘ఎఫ్ 2’ని హిందీలో రీమేక్ చేసేందుకు సన్నాహాలు చేస్తున్నారు ‘దిల్’ రాజు. ప్రముఖ నిర్మాత బోనీ కపూర్‌తో కలసి ఈ చిత్రాన్ని నిర్మించ‌నున్నారాయ‌న. అంతేకాదు… తాజాగా మరో తెలుగు చిత్రాన్ని కూడా హిందీలో రీమేక్ చేసేందుకు `దిల్` రాజు సన్నాహాలు చేస్తున్నార‌ని స‌మాచారం.
ఆ వివరాల్లోకి వెళితే… నేచురల్ స్టార్ నాని కెరీర్‌లో వన్ ఆఫ్ ది బెస్ట్ ఫిలిమ్స్‌గా నిలచిపోయే ‘జెర్సీ’ని హిందీలో రీమేక్ చేయడానికి ప్ర‌య‌త్నాలు జ‌రుగుతున్న సంగ‌తి తెలిసిందే. క్రికెట్ నేప‌థ్యంలో సాగే ఈ ఎమోషనల్ స్పోర్ట్స్ డ్రామాని మరో ప్రముఖ నిర్మాణ సంస్థతో కలసి నిర్మించే ఆలోచనలో `దిల్` రాజు ఉన్నట్టు తెలుస్తోంది. అయితే… మ‌రోవైపు ఇప్పటికే ఈ సినిమా రీమేక్ రైట్స్ కోసం ద‌ర్శ‌క‌నిర్మాత కరణ్ జోహార్ కూడా ప్రయత్నిస్తున్నారని వార్తలు వినిపిస్తున్న నేప‌థ్యంలో… కరణ్ జోహార్‌తో కలసి ‘దిల్’ రాజు నిర్మించనున్నారో లేక మరే ఇత‌ర సంస్థ‌తోనైనా కలసి నిర్మించనున్నారో అనే దానిపై త్వ‌ర‌లోనే క్లారిటీ వ‌చ్చే అవ‌కాశ‌ముంది.
[subscribe]
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
Subscribe to our Youtube Channel Telugu Filmnagarfor the latest Tollywood updates.
Download the My Mango Appfor more amazing videos from the Tollywood industry.
