మ‌రో టాలెంటెడ్ డైరెక్టర్‌తో నేచుర‌ల్ స్టార్‌?

ప్ర‌స్తుతం విక్ర‌మ్ కె.కుమార్ ద‌ర్శ‌క‌త్వంలో `గ్యాంగ్ లీడ‌ర్‌`, ఇంద్ర‌గంటి మోహ‌న‌కృష్ణ డైరెక్ష‌న్‌లో `వి` చిత్రాలు చేస్తున్న నేచుర‌ల్ స్టార్ నాని… మ‌రో టాలెంటెడ్ డైరెక్ట‌ర్‌తో జ‌ట్టుకట్ట‌నున్న‌ట్లు టాలీవుడ్ టాక్‌. ఆ ద‌ర్శ‌కుడు మ‌రెవ‌రో కాదు… చంద్ర‌శేఖ‌ర్ యేలేటి.

ఆ వివరాల్లోకి వెళితే… `ఐతే`, `అనుకోకుండా ఒక రోజు`, `ఒక్క‌డున్నాడు`, `ప్ర‌యాణం`, `సాహ‌సం`, `మ‌న‌మంతా`… ఇలా ప‌లు వైవిధ్య‌భ‌రిత‌మైన చిత్రాల‌ను రూపొందించిన చంద్ర‌శేఖ‌ర్ యేలేటి తాజాగా నాని కోసం ఓ థ్రిల్లర్ సబ్జెక్ట్‌ను సిద్ధం చేసాడ‌ట‌. కథ నచ్చడంతో నాని కూడా ఈ ప్రాజెక్ట్‌కు వెంట‌నే గ్రీన్ సిగ్న‌ల్ ఇచ్చిన‌ట్టు సమాచారం. కాగా, ఈ చిత్రాన్ని హ్యాట్రిక్ విజ‌యాల నిర్మాణ‌ సంస్థ మైత్రీ మూవీ మేకర్స్ నిర్మించ‌నున్నట్టు తెలుస్తోంది. `గ్యాంగ్ లీడ‌ర్‌`, `వి` పూర్తైన వెంటనే చంద్రశేఖర్ యేలేటి సినిమాను ప్రారంభించే పనిలో ఉన్నాడట నాని. రాబోయే రోజుల్లో ఈ సినిమాకి సంబంధించి మరింత స్పష్టత వచ్చే అవ‌కాశం ఉంది.