మ‌రోసారి `జ‌న‌తా గ్యారేజ్` కాంబినేష‌న్‌?

ఏడాదికో, రెండేళ్ళకో ఒక సినిమాను తెరకెక్కించే విజనరీ డైరెక్టర్ కొరటాల శివ… 2020లో మాత్రం రెండు చిత్రాల‌తో ప్రేక్ష‌కులకు డ‌బుల్ ట్రీట్ ఇవ్వ‌నున్నాడని వార్త‌లు వినిపిస్తున్నాయి.

ఆ వివరాల్లోకి వెళితే… గతేడాది ‘భరత్ అనే నేను’తో వ‌రుస‌గా నాలుగో విజయాన్ని తన ఖాతాలో వేసుకున్న కొరటాల… ప్ర‌స్తుతం మెగాస్టార్ చిరంజీవితో తన తదుపరి ప్రాజెక్ట్‌ను రూపొందించే పనిలో ఉన్నాడు. ‘సైరా’ సినిమాతో చిరు బిజీగా ఉన్న నేపథ్యంలో… వన్స్ ఆ మూవీ ఫినిష్ అయిన వెంట‌నే… కొరటాల తన అప్‌కమింగ్ మూవీను తెరకెక్కించడానికి సిద్ధంగా ఉన్నట్టు తెలుస్తోంది. బౌండెడ్‌ స్క్రిప్ట్ రెడీగా ఉన్న నేపథ్యంలో ఈ చిత్రాన్ని వీలైనంత త్వరగా పూర్తి చేసి 2020 వేసవి కానుకగా విడుదల చేసే విధంగా ప్లాన్ చేస్తుకున్నాడట‌ కొరటాల. ఆగస్టు 22న ప్రారంభం కానున్న ఈ చిత్రాన్ని కొణిదెల ప్రొడక్షన్స్ పతాకంపై రామ్ చరణ్ నిర్మించనున్నాడు.

ఇదిలా ఉంటే… చిరు తర్వాత తను చేయబోయే నెక్స్ట్ మూవీ గురించి కూడా పక్కా ప్లాన్‌తో ఉన్నాడట‌ కొరటాల. వినిపిస్తున్న కథనాల ప్రకారం… ఆ సినిమాను త‌న `జ‌న‌తా గ్యారేజ్‌` హీరో యంగ్ టైగర్ యన్టీఆర్‌తో కొరటాల చేయనున్నాడని తెలుస్తోంది. ప్రస్తుతం రాజమౌళి దర్శకత్వంలో తెరకెక్కుతున్న ‘ఆర్ ఆర్ ఆర్’తో ఫుల్ బిజీగా ఉన్నాడు తారక్. ఆ సినిమా షూటింగ్ 2020 మార్చి, ఏప్రిల్ నెలల్లో ముగిసే అవకాశం ఉండడంతో… య‌న్టీఆర్‌తో తన తదుపరి చిత్రాన్ని వ‌చ్చే ఏడాది మార్చి లేదా ఏప్రిల్‌లో ప్రారంభించి… 2020 సంవత్సరాంతానికల్లా రిలీజ్ చేసే విధంగా ఇప్పటినుంచే ప్రణాళికలు రచిస్తున్నాడట ఈ స‌క్సెస్‌ఫుల్ డైరెక్ట‌ర్.

సో… 2020లో కొర‌టాల త‌న అభిమానుల‌కు డ‌బుల్ ధ‌మాకా ఇచ్చే అవ‌కాశ‌ముంద‌న్న‌మాట‌.