డా.రాజశేఖర్… యాంగ్రీ యంగ్ మాన్గా వరుస విజయాలతో తెలుగు ప్రేక్షకులను అలరించిన నిన్నటి తరం అగ్ర కథానాయకుడు. ఆ మధ్య… దాదాపు పదేళ్ళ పాటు విజయాలకు దూరమైన ఈ సీనియర్ హీరో… రెండేళ్ళ క్రితం విడుదలైన ‘గరుడవేగ’తో మళ్ళీ సక్సెస్ బాట పట్టాడు. కాగా ప్రస్తుతం రాజశేఖర్ నటించిన తాజా చిత్రం `కల్కి` విడుదలకు సిద్ధమైంది. అంతేకాదు… తన రెండో తనయ శివాత్మిక కథానాయికగా పరిచయమవుతున్న `దొరసాని` కూడా రిలీజ్కి రెడీ అయ్యింది. ప్రస్తావించదగ్గ విషయమేమిటంటే… ఇటు `కల్కి`, అటు`దొరసాని` ఇలా రెండు చిత్రాలు కూడా పిరియాడిక్ డ్రామాలే కావడం విశేషం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఆ వివరాల్లోకి వెళితే… రాజశేఖర్ ప్రధాన పాత్రలో ప్రశాంత్ వర్మ దర్శకత్వంలో తెరకెక్కిన చిత్రం ‘కల్కి’. ‘అ’ లాంటి వైవిధ్యభరితమైన చిత్రంతో విమర్శకుల ప్రశంసలు అందుకున్న ప్రశాంత్ వర్మ… 80వ దశకంలో జరిగిన రియల్ ఇన్సిడెంట్స్ ఆధారంగా ఈ చిత్రాన్ని రూపొందించాడు. ఇటీవల విడుదలైన టీజర్ ఈ మూవీపై మంచి హైప్ క్రియేట్ చేసింది. పిరియాడిక్ థ్రిల్లర్గా తెరకెక్కిన ఈ సినిమా… ఈ నెల 28న ప్రేక్షకుల ముందుకు రానుంది.
కాగా… విజయ్ దేవరకొండ తమ్ముడు ఆనంద్ దేవరకొండ హీరోగా, రాజశేఖర్ రెండో కుమార్తె శివాత్మిక హీరోయిన్గా కె.వి.ఆర్.మహేంద్ర రూపొందించిన ‘దొరసాని’ కూడా 80వ దశకంలో సాగే పిరియాడిక్ లవ్ స్టోరీగా తెరకెక్కింది. నిర్మాణం పూర్తిచేసుకున్న ఈ ఇంట్రెస్టింగ్ ప్రాజెక్ట్ జూలైలో విడుదల కానుంది.
తక్కువ గ్యాప్లోనే పిరియాడికల్ డ్రామాస్తో రాబోతున్న ఈ తండ్రీకూతుళ్ళు… ఆ యా చిత్రాలతో ఘన విజయాలు సాధించాలని ఆశిద్దాం.
[youtube_video videoid=OHK3K2hdzjE]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: