డిఫ‌రెంట్ రోల్‌లో సాయి తేజ్‌?

ఈ వేస‌వికి విడుద‌లైన ‘చిత్రలహరి’తో మళ్ళీ సక్సెస్ ట్రాక్‌లోకి వ‌చ్చేశాడు మెగా హీరో సాయి తేజ్‌. కొత్త తరహా కథతో ప్రేక్షకుల ముందుకు వచ్చిన తేజుకి… ఈ కంటెంట్ ఓరియెంటెడ్ మూవీ బాగా వ‌ర్కవుట్ అయింద‌నే చెప్పాలి. ఈ విజ‌యం అందించిన ఉత్సాహంతో తన అప్‌క‌మింగ్ ప్రాజెక్ట్‌ విషయంలో ఆచితూచి అడుగులు వేస్తున్నాడు ఈ మెగా హీరో. ప్రస్తుతం తేజు… యూత్‌ఫుల్ మూవీస్ స్పెషలిస్ట్ మారుతి డైరెక్షన్‌లో ‘భోగి’ (ప్రచారంలో ఉన్న పేరు) అనే సినిమాను చేస్తున్న సంగతి తెలిసిందే. అంతేకాదు… ఇదివ‌ర‌కు ఎప్పుడూ క‌నిపించ‌ని పాత్ర‌లో ఇందులో ద‌ర్శ‌న‌మివ్వ‌నున్నాడ‌ట ఈ `సుప్రీమ్‌` స్టార్‌.

ఆ వివరాల్లోకి వెళితే… ఫ్యామిలీ ఎంట‌ర్‌టైన‌ర్‌గా తెర‌కెక్కుతున్న `భోగి`లో మూడు తరాలకు చెందిన వ్యక్తుల (తాత, తండ్రి, తనయుడు) అనుబంధాలను తెరపై ఆవిష్కరించనున్నాడట మారుతి. ఓ డిఫరెంట్ కాన్సెప్ట్ చుట్టూ అల్లుకున్న ఈ చిత్రంలో తేజు ప్లేబాయ్‌గా నటించనున్నాడట. తన మాటలతో, స్టైలిష్ లుక్స్‌తో అమ్మాయిలను వశ పరచుకునే పాత్రను… తేజు కోసం డిజైన్‌ చేసాడట మారుతి. అంతేకాదు… న‌లుగురు క‌థానాయిక‌ల‌కు స్థాన‌మున్న ఈ చిత్రంలో ఓ హీరోయిన్‌గా `నేల టిక్కెట్టు` ఫేమ్‌ మాళవిక శర్మ ఎంపికైన‌ట్లు తెలుస్తోంది. రావు రమేష్ కీలక పాత్ర పోషిస్తున్న ఈ ఎమోషనల్ ఫ్యామిలీ ఎంటర్‌టైనర్‌కు… తమన్ స్వరాలను సమకూరుస్తున్నాడు.

త్వ‌ర‌లోనే ఈ చిత్రానికి సంబంధించిన పూర్తి వివ‌రాలు వెల్ల‌డి కానున్నాయి.

[subscribe]
[youtube_video videoid=gIQHYdck5Dk]